ହାଇଦ୍ରାବାଦ: ଲୋକପ୍ରିୟ ଟିଭି ଅଭିନେତ୍ରୀ ଦେବୋଲିନା ଭଟ୍ଟାଚାର୍ଯ୍ୟ ଫ୍ୟାନ୍ସଙ୍କୁ ଏକ ବଡ଼ ଝଟକା ଦେଇଛନ୍ତି । ସେ ତାଙ୍କ ବନ୍ଧୁ ବିଶାଲ ସିଂଙ୍କ ସହ ଇନଷ୍ଟାରେ ଫଟୋ ସେୟାର କରି ନିର୍ବନ୍ଧ କରିଥିବା ଘୋଷଣା କରିଥିଲେ । ଏହି ଖୁସି ଖବର ଅନେକଙ୍କୁ ଆଶ୍ଚର୍ଯ୍ୟ କରିଥିବାବେଳେ ଆଉ କିଛି ଲୋକ ଏହି ଖବରକୁ ବିଶ୍ବାସ କରିନଥିଲେ । ସେମାନେ ଏହାକୁ ଏକ ପ୍ରାଙ୍କ୍ ବୋଲି କହିଥିଲେ।
- " class="align-text-top noRightClick twitterSection" data="
">
ତେବେ ପ୍ରକୃତରେ ଅଭିନେତ୍ରୀ ଦେବୋଲିନା ନିର୍ବନ୍ଧ କରିନାହାନ୍ତି । ଦେବୋଲିନା ଓ ବିଶାଲ ସିଂଙ୍କ ମଧ୍ୟରେ କୌଣସି ନିର୍ବନ୍ଧ ହୋଇନାହିଁ । ସେମାନେ ତାଙ୍କର ଆଗାମୀ ପ୍ରୋଜେକ୍ଟର ପ୍ରମୋଟ କରିବା ପାଇଁ ଏହିସବୁ କରିଥିଲେ । ତେବେ ଏହି କଥା ଆମେ କହୁ ନାହୁଁ, ଦେବୋଲିନା ଏବଂ ବିଶାଲ ନିଜେ କହିଛନ୍ତି । ବୁଧବାର ଦିନ ସେମାନେ ନିର୍ବନ୍ଧର ଫଟୋ ସେୟାର କରି ଏକ ହଇଚଇ ସୃଷ୍ଟି କରିବାର କିଛି ଘଣ୍ଟା ପରେ ଦେବୋଲିନା ଏବଂ ବିଶାଲ ଏହି ରହସ୍ୟରୁ ପରଦା ହଟାଇଥିଲେ । ସେମାନେ ଇନଷ୍ଟାରେ ଲାଇଭ୍ ଆସିଥିଲେ । ଯେଉଁଠାରେ ଉଭୟେ ନିର୍ବନ୍ଧର ସତ୍ୟତା ସମ୍ପର୍କରେ କହିଥିଲେ ।
- " class="align-text-top noRightClick twitterSection" data="
">
ଏହି ଭିଡିଓରେ ଦେବୋଲିନା ଏବଂ ବିଶାଲ କହିଛନ୍ତି- ହଁ, ଆମେ ନିର୍ବନ୍ଧ କରିଛୁ, କିନ୍ତୁ ଏକ ଗୀତ ପାଇଁ । ଏହି ଗୀତର ନାମ ହେଉଛି ଏହା ଅଫିସିଆଲ୍ । ଆମେ ଏକାଠି ଏକ ମ୍ୟୁଜିକ୍ ଭିଡିଓ କରିବାକୁ ଯାଉଛୁ । ଏହି ଗୀତଟି ବିବାହ, ନିର୍ବନ୍ଧ, ପ୍ରେମ ଏବଂ ସମ୍ପର୍କ ବିଷୟରେ । ଆମେ ଏତେ ଭଲପାଇବା ପାଇବୁ ବୋଲି ଆମେ କେବେ ଭାବିନଥିଲୁ।
ଭିଡିଓରେ ବିଶାଲ ଏବଂ ଦେବୋଲିନା କହିଛନ୍ତି ଯେ ଆମେ ଦୁହେଁ ଭଲ ବନ୍ଧୁ। ଯଦି ଏହା କେବେ ଘଟେ, ଆମେ ନିଶ୍ଚିତ ଭାବରେ ଆପଣଙ୍କୁ ଜଣାଇବୁ । ଆମେ 11 ବର୍ଷରୁ ଅଧିକ ସମୟ ହେବ ଏକାଠି ଅଛୁ । ଆମେ କେବେ ଭାବି ନ ଥିଲୁ ଆପଣମାନେ ଆମ ଦୁହିଁଙ୍କୁ ଏକାଠି ଏତେ ପସନ୍ଦ କରିବେ । ଦେବୋଲିନାଙ୍କ ଏହି ଖୁଲାସା ପରେ, ଫ୍ୟାନ୍ସ ସେମାନଙ୍କୁ ତାଙ୍କର ନୂଆ ମ୍ୟୁଜିକ୍ ଭିଡିଓ ପାଇଁ ଅଭିନନ୍ଦନ ଜଣାଇଛନ୍ତି ।
ଏହା ବି ପଢନ୍ତୁ: ଅପରେସନ୍ ପରେ ୱାକର୍ ଧରି ଚାଲୁଛନ୍ତି ଦେବୋଲିନା
ଦେବୋଲିନା ଏବଂ ବିଶାଲ ପ୍ରଥମ ଥର ପାଇଁ ଏକ ମ୍ୟୁଜିକ୍ ଭିଡିଓରେ ଏକାଠି ନଜର ଆସିବେ । ଏହାପୂର୍ବରୁ ଉଭୟ ସିରିଏଲ ସାଥ ନିଭାନା ସାଥିଆରେ ଏକାଠି କାମ କରିଥିଲେ । ଶୋ’ରେ ଦୁହିଁଙ୍କ ମଧ୍ୟରେ ଦିଅର ଏବଂ ଭାଉଜର ସମ୍ପର୍କ ଥିଲା । ବିଗ୍ ବସ୍ 15 ରେ ଦେବୋଲିନା ଏବଂ ବିଶାଲ କେତେ ଭଲ ବନ୍ଧୁ ତାହା ଦେଖିବାକୁ ମିଳିଥିଲା । ଶୋ’ରେ ଦେବୋଲିନାଙ୍କୁ ସମର୍ଥନ କରିବାକୁ ବିଶାଲ ଆସିଥିଲେ।
ପ୍ରଶଂସକମାନେ ବିଶାଲ ଏବଂ ଦେବୋଲିନାଙ୍କ ମ୍ୟୁଜିକ୍ ଭିଡିଓକୁ ଅପେକ୍ଷା କରିଛନ୍ତି। ଦେବୋଲିନା ବର୍ତ୍ତମାନ ବିଶ୍ରାମ ନେଉଛନ୍ତି । ନିକଟରେ ତାଙ୍କର ଅସ୍ତ୍ରୋପଚାର କରାଯାଇଛି। ବିଗ୍ ବସ୍ 15 ରେ ଏକ ଟାକ୍ସ ପୂରା କରିବା ସମୟରେ ଦେବୋଲିନା ଆହତ ହୋଇଥିଲେ । ଶୋ ଛାଡିବା ପରେ ଅଭିନେତ୍ରୀଙ୍କୁ ଅସ୍ତ୍ରୋପଚାର କରିବାକୁ ପଡିଲା। ଫ୍ୟାନ୍ସ ଦେବୋଲିନାଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
