ମୁମ୍ବାଇ: 2012ର ନିର୍ଭୟା ଗଣଦୁଷ୍କର୍ମ ମାମଲାରେ ଦେଶବାସୀ ରାସ୍ତାକୁ ଓହ୍ଲାଇ ଆନ୍ଦୋଳନ କରିଥିଲେ । ନ୍ୟାୟ ଦାବିରେ ମାଇଲ୍ ମାଇଲ୍ ଚାଲିବା ଏବଂ ଭାରତ ତଥା ସାରା ବିଶ୍ବରେ ମହିଳାଙ୍କ ସୁରକ୍ଷା ବିଷୟରେ ଚିନ୍ତା କରିବାକୁ ବାଧ୍ୟ କରିଥିଲା । ଏହି ବିଷୟବସ୍ତୁ ନେଇ ଓଟିଟି ପ୍ଲାଟଫର୍ମ ନେଟଫ୍ଲିକ୍ସ ୱେବ ସିରିଜ ‘ଦିଲ୍ଲୀ କ୍ରାଇମ’ ରିଲିଜ କରିଥିଲା । ଯାହା ପୁଣିଥରେ ଲୋକଙ୍କୁ ପନଃ ମନେ ପକାଇଦେଇଥିଲା ଏହି ଲୋମ ହର୍ଷଣକାରୀ ଘଟଣା ସମ୍ପର୍କରେ । ଏହି ସିରିଜରେ ଦମଦାର ଅଭିନୟ କରିଥିଲେ ଅଭିନେତ୍ରୀ ଶେଫାଳି ଶାହ । ସେ ଡିସିପି ଭାର୍ତ୍ତିକା ଚତୁର୍ବେଦୀ ଭୂମିକାରେ ନଜର ଆସିଥିଲେ । ନିକଟରେ ଏହି ସିରିଜକୁ 48ତମ ଅନ୍ତର୍ଜାତୀୟ ଏମି ପୁରସ୍କାରରେ ଶ୍ରେଷ୍ଠ ଡ୍ରାମା ସିରିଜ ରୂପେ ପୁରସ୍କୃତ କରାଯାଇଥିଲା ।
ସେପଟେ ସିରିଜକୁ ନେଇ ପ୍ରତିକ୍ରିୟା ରଖିଛନ୍ତି ଶେଫାଳି । ଏମି ପୁରସ୍କାର ପାଇବା ଅବସରରେ ଏକ ସାକ୍ଷାତକାରରେ ଯୋଗ ଦେଇ ସେ ନିଜ ଖୁସି ପ୍ରକାଶ କରିବା ସହ ଆଉ ଅନେକ କଥା କହିଥିଲେ । ଏଥିପାଇଁ ସେ ଖୁସି ଅନୁଭବ କରୁଛନ୍ତି ବୋଲି କହିଥିଲେ । ଏହାସହ ସେ କହିଛନ୍ତି ଯେ ଦୁଷ୍କର୍ମକାରୀକୁ ମୃତ୍ୟୁଦଣ୍ଡ ଦିଆଯିବା ଦରକାର । ଯାହାଦ୍ବାରା ଏପରି କାର୍ଯ୍ୟ କରିବା ପୂର୍ବରୁ ସମସ୍ତେ ଥରେ ଭାବିବେ ।
ସେହିପରି ଆହୁରି କହିଛନ୍ତି, ‘ଏହା ହେଉଛି ଜଣେ ମହିଳାଙ୍କ କାହାଣୀ । ଯାହାର ନେତୃତ୍ବ କେବଳ ଭାର୍ତ୍ତିକା ନୁହେଁ ଅନ୍ୟ ମହିଳା ଭୂମିକା ନେଇଥିଲେ। । ସମ୍ପୂର୍ଣ୍ଣ ପ୍ରୋଜେକ୍ଟ ମହିଳାଙ୍କ ଦ୍ବାରା ସାମ୍ନାକୁ ଆସିଥିଲା ଏବଂ ଏହା ପ୍ରଶଂସନୀୟ । ଏହା ଜଣେ ମହିଳାଙ୍କ ବିଷୟରେ, ତା’ର ଯନ୍ତ୍ରଣା ଏବଂ ଜୀବନ ହରାଇବା ବିଷୟରେ କଥାବାର୍ତ୍ତା କରେ ଏବଂ ସେହି ସମୟରେ ଅନ୍ୟ ଜଣେ ମହିଳା କାହାଣୀ କହିଥାଏ ଯିଏ ନ୍ୟାୟ ପାଇଁ ଲଢୁଥିଲା ଏବଂ ଯିଏ ତାଙ୍କୁ ନ୍ୟାୟ ପ୍ରଦାନ କରିବାକୁ ଦିନରାତି ଚେଷ୍ଟା ଚଳାଇଥିଲା । ପୂର୍ବରୁ ଅନେକ ଶୋ ଅଛି ଯାହା ମହିଳାଙ୍କ ଉପରେ ଆଧାରିତ ହୋଇସାରିଛି । ଅନେକ ନିର୍ମାତା ନିଜ ନିଜ ଢଙ୍ଗରେ ମହିଳାଙ୍କ ଭିନ୍ନ ଭିନ୍ନ କାହାଣୀ ପର୍ଯ୍ୟବେଶିତ କରିଛନ୍ତି । ହେଲେ ଦିଲ୍ଲୀ କ୍ରାଇମର ବିଜୟ ବର୍ତ୍ତମାନ ସତ୍ୟକୁ ଆହୁରି ଦୃଢ କରିବାକୁ ଯାଉଛି । ଯେଉଁଠାରେ ଅନେକ ପ୍ରତିଭା ଏବଂ ପ୍ରତିଭା ଲିଙ୍ଗ ଭିତ୍ତିକ ନୁହେଁ । ମୁଁ ଭାର୍ତ୍ତିକା ଭୂମିକାରେ ଅଭିନୟ କରିଥିବାରୁ ଗର୍ବିତ ଅନୁଭବ କରୁଛି । ପୂର୍ବରୁ ଅନେକ ଭୂମିକାରେ ମୁଁ ଅଭିନୟ କରିଥିଲି । ହେଲେ ଭାର୍ତ୍ତିକା ଭୂମିକା ଏପରି ଥିଲା ଯେଉଁଥିରେ ମୁଁ ପ୍ରଥମଥର ଅଭିନୟ କରିଥିଲେ । ଆଉ ଯାହା ମତେ ସବୁବେଳେ ଗର୍ବିତ କରାଇବ ବୋଲି ଆଶା କରୁଛି ।’
