ମୁମ୍ବାଇ: ଦୀପିକା ପାଦୁକୋନଙ୍କ ଚର୍ଚ୍ଚିତ ଫିଲ୍ମ ‘ଛପାକ’ ଆଜି ରିଲିଜ ହୋଇଯାଇଛି । ରିଲିଜ ସହ ଫିଲ୍ମକୁ କ୍ରିଟିକ୍ସଙ୍କ ଶାନଦାର ପ୍ରତିକ୍ରିୟା ମଧ୍ୟ ମିଳିବାରେ ଲାଗିଛି । ହେଲେ ଦର୍ଶକଙ୍କୁ ଏହି ଫିଲ୍ମ କେତେ ପସନ୍ଦ ଆସିବ, ତାହା ପରେ ଜଣାପଡିବ । ହେଲେ ଦୀର୍ଘ ସମୟରୁ ଫିଲ୍ମକୁ ନେଇ ଉତ୍ସାହିତ ନଜର ଆସିଥିଲେ ଦର୍ଶକ । ସେହିପରି ଫିଲ୍ମ ରିଲିଜ ପୂର୍ବରୁ ଦୀପିକା ବପ୍ପାଙ୍କ ଦର୍ଶନ କରିବା ଓ ତାଙ୍କ ଆଶୀର୍ବାଦ ନେବା ପାଇଁ ମୁମ୍ବାଇର ପ୍ରସିଦ୍ଧ ସିଦ୍ଧିବିନାୟକ ମନ୍ଦିରରେ ପହଞ୍ଚିଥିଲେ ।
ବିବାହ ପରଠୁ ଦୀପିକା କିଛି ଦିନ ଫିଲ୍ମ ଜଗତରୁ ଦୂରେଇ ଯାଇଥିଲେ । ବିବାହ ପରେ ଦୀପିକାଙ୍କ ଏହା ପ୍ରଥମ ଫିଲ୍ମ । ‘ଛପାକ’ ଜରିଆରେ ଦୀପିକା ପ୍ରଥମଥର ପ୍ରଯୋଜନାରେ ଡେବ୍ୟୁ ମଧ୍ୟ କରିଛନ୍ତି । ଏହି ନୂଆ ଯାତ୍ରା ପାଇଁ ସେ ସିଦ୍ଧିବିନାୟକରେ ଦର୍ଶନ ପାଇଁ ପହଞ୍ଚିଥିଲା । ଯାହର ଅନେକ ଫଟୋ ଓ ଭିଡିଓ ସୋସିଆଲ ମିଡିଆରେ ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି । ଆପଣ ମଧ୍ୟ ଦେଖନ୍ତୁ ଦୀପିକାଙ୍କ ଏହି ଫଟୋ...
ପ୍ରକାଶ ଥାଉକି ‘ଛପାକ’ ଏସିଡ ପୀଡିତା ଲକ୍ଷ୍ମୀ ଅଗ୍ରୱାଲଙ୍କ ସଂଘର୍ଷମୟ ଜୀବନକୁ ନେଇ ଆଧାରିତ । ଫିଲ୍ମରେ ଦୀପିକାଙ୍କ ଲକ୍ଷ୍ମୀଙ୍କ ଭୂମିକାରେ ଅଭିନୟ କରୁଛନ୍ତି । ମେଘନା ଗୁଲଜାରଙ୍କ ନିର୍ଦ୍ଦେଶିତ ଏହି ଫିଲ୍ମରେ ଦୀପିକାଙ୍କ ସହ ନଜର ଆସୁଛନ୍ତି ଫେମସ ଆକ୍ଟର ବିକ୍ରାନ୍ତ ମେସୀ । ନିକଟରେ ଫିଲ୍ମକୁ ନେଇ ଅନେକ ବାଦବିବାଦ ମଧ୍ୟ ଦେଖିବାକୁ ମିଳିଥିଲା । କିଛି ଦିନ ହେବ ସୋସିଆଲ ମିଡିଆରେ ‘ବଏକଟଛପାକ’ ଟ୍ରେଣ୍ଡ କରିଆସୁଛି । ଦୀପିକାଙ୍କ ଜେଏନୟୁ ଛାତ୍ରଛାତ୍ରୀଙ୍କ ବିରୋଧ ପ୍ରଦର୍ଶନରେ ସାମିଲ ହେବାକୁ ଆଧାର କରି କିଛି ଟ୍ରୋଲର୍ସ ତାଙ୍କ ଉପରେ ରାଗିଯାଇ ଏପରି କରିଥିଲେ ।
