ହାଇଦ୍ରାବାଦ: ମେଟ ଗାଲାରେ ଯୋଗ ଦେବାକୁ ନ୍ୟୁୟର୍କ ଯାଇଥିଲେ ଅଭିନେତ୍ରୀ ଦୀପିକା ପାଦୁକୋନ । ତେବେ ନିଜ ବ୍ୟସ୍ତ ଜୀବନରୁ ସମୟ ବାହାର କରି ଋଷି କପୁରଙ୍କୁ ଦେଖା କରିବାକୁ ପହଞ୍ଚିଥିଲେ ଦୀପିକା ପାଦୁକୋନ । ଏହି ସମୟର ଏକ ଫଟୋ ସେୟାର କରିଛନ୍ତି ଋଷିଙ୍କ ପତ୍ନୀ ନିତୁ ସିଂ ।
ଋଷି କପୁର କିଛି ଦିନ ହେବ ନ୍ୟୁୟର୍କରେ କ୍ୟାନ୍ସର ପାଇଁ ଚିକିତ୍ସିତ । ହେଲେ ଏବେ ସେ କ୍ୟାନ୍ସର ମୁକ୍ତ । ତାଙ୍କ ସହ ପତ୍ନୀ ନିତୁ ସିଂ ଅଛନ୍ତି । ତେବେ କିଛି ଦିନ ତଳେ ଋଷିଙ୍କ ଭାଇ ରଣଧୀର କପୁର ସୂଚନା ଦେଇଥିଲେ କି, ଋଷି ବହୁତ ଜଲଦି ଭାରତ ଫେରିପାରନ୍ତି ।
ତେବେ ଋଷିଙ୍କୁ ଦେଖାକରିବାକୁ ଅନେକ ବଲିଉଡ ଷ୍ଟାର ନ୍ୟୁୟର୍କ ଯାଇଥିଲେ । ସେଥିରେ ସାମିଲ ଅଛନ୍ତି ଆମିର ଖାନ, ପ୍ରିୟଙ୍କା ଚୋପ୍ରା, ଅନୁପମ ଖେର ।
