ମୁମ୍ବାଇ: ଆଜି ଭଳି ଦିନରେ ବଲିଉଡର ବେଷ୍ଟ ଯୋଡି ଦୀପିକା ପାଦୁକୋନ ଓ ରଣବୀର ସିଂ ସାତ ଜନ୍ମର ସାଥୀ ସାଜିଥିଲେ । ଆଜି ଦୁଇଜଣଙ୍କ ପ୍ରଥମ ବିବାହ ବାର୍ଷିକୀ । ଏହି ଖାସ୍ ଦିନକୁ ସେଲିବ୍ରେଟ କରିବା ପାଇଁ ଦୀପବିର ଆନ୍ଧ୍ରପ୍ରଦେଶ ସ୍ଥିତ ତିରୁପତି ମନ୍ଦିରରେ ପହଞ୍ଚି ଭେଙ୍କଟେଶ୍ବରଙ୍କ ଆଶୀର୍ବାଦ ନେଇଛନ୍ତି ।
ଦୁଇଜଣ ସହ-ପରିବାର ସହ ତିରୁପତି ମନ୍ଦିରରେ ନଜର ଆସିଛନ୍ତି । ବର୍ତ୍ତମାନ ମନ୍ଦିର ପରିସରରୁ ଦୀପିକା ଓ ରଣବୀରଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଫଟୋରେ ଦୁଇଜଣ ପୁଣି ନବବିବାହିତା ଯୋଡି ଲୁକରେ ନଜର ଆସିଛନ୍ତି ।
ଦୀପିକା ଲାଲି ରଙ୍ଗର ହେଭି ଟ୍ରାଡିଶନାଲ ଶାଢୀ ପିନ୍ଧିବା ସହ ମଥାରେ ସିନ୍ଦୂର ଏବଂ ଅଳଙ୍କାରରେ ନିଜକୁ ସଜାଇଛନ୍ତି । ଅନ୍ୟପଟେ ରଣବୀର ଅଫ ହ୍ବାଇଟ କୁର୍ତ୍ତା ସହ ଗୋଲ୍ଡେନ ଜ୍ୟାକେଟ ପିନ୍ଧିଥିବାର ଦେଖାଯାଉଛନ୍ତି । ଏହାସହ ରଣବୀର ପତ୍ନୀଙ୍କ ସହ ମ୍ୟାଚ କରି ରେଡ କଲରର ଗୋଲ୍ଡେନ ବର୍ଡର ସାଲ କାନ୍ଧରେ ପକାଇଛନ୍ତି ।
ପ୍ରକାଶ ଥାଉକି ଗତ ବର୍ଷ ନଭେମ୍ବର 14,15ରେ ଦୁଇଜଣ ଇଟାଲୀରେ ଦୁଇଟି ବିଧି-ବିଧାନରେ ବିବାହ କରିଥିଲେ । ପାଖାପାଖି ପରସ୍ପରକୁ 7 ବର୍ଷ ଡେଟ କରିବା ପରେ ଏହି ଯୋଡି ବିବାହ ବନ୍ଧନରେ ଆବଦ୍ଧ ହୋଇଥିଲେ । ସଞ୍ଜୀୟ ଲୀଲା ଭଂସାଲୀଙ୍କ ବ୍ଲକବଷ୍ଟର ଫିଲ୍ମ ‘ଗଲିୟୋଂ କି ରାସଲୀଲା: ରାମଲୀଲା’ ଫିଲ୍ମ ସେଟରୁ ଦୁଇଜଣଙ୍କ ବନ୍ଧୁତା ବଢିଥିଲା
ବିବାହ ପରେ ପ୍ରଥମଥର ଏହି ଯୋଡି କବୀର ଖାନଙ୍କ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ରେ ନଜର ଆସିବେ । ଯାହାର ସୁଟିଂ ନିକଟରେ ଶେଷ ମଧ୍ୟ କରିଥିଲେ ଏହି ଯୋଡି । କ୍ରିକେଟ ଲେଜେଣ୍ଡ କପିଲ ଦେବଙ୍କ ଏହା ବାୟୋପିକ ଫିଲ୍ମ । ରଣବୀର ଫିଲ୍ମରେ କପିଲ ଦେବଙ୍କ ଭୂମିକାରେ ଅଭିନୟ କରୁଥିବାର ବେଳେ ତାଙ୍କ ପତ୍ନୀ ରୋମୀ ଦେବଙ୍କ ଭୂମିକାରେ ନଜର ଆସିବେ ଦୀପିକା । 1983ରେ ଭାରତ କ୍ରିକେଟ ଟିମଙ୍କ ପ୍ରଥମଥର ବିଶ୍ବକପ ଜିତିବା କାହାଣୀକୁ ନେଇ ଆଧାରିତ ଏହି ଫିଲ୍ମ ।
