ମୁମ୍ବାଇ: 'ରେସ ଥ୍ରୀ' 'ଅଭିନେତ୍ରୀ ଡେଜି ଶାହା ଏକ ନୂଆ ସୋ ସହିତ ଡିଜିଟାଲ ପ୍ଲାଟଫର୍ମରେ ଡେବ୍ୟୁ କରିବାକୁ ଯାଉଛନ୍ତି । ଯେଉଁଥିରେ ଲକଡାଉନ ଶେଷ ହେବା ପରେ ଡେଜି ଶାହା ୱେବ ସିରିଜରେ କାମ କରିବେ ବୋଲି ପ୍ରକାଶ କରିଛନ୍ତି ।
ଡେଜି ଶାହା ପି.ଟି.ଆଇକୁ କହିଛନ୍ତି ଯେ, ମତେ ବହୁ ପୂର୍ବରୁ ୱେବ ସିରିଜର ଅଫର ଅସୁଥିଲା, କିନ୍ତୁ ସେମିତି କିଛି ଭଲ ଷ୍ଟୋରି ନଥିବାରୁ ମୁଁ କରି ନ ଥିଲି । କିନ୍ତୁ ବର୍ତ୍ତମାନ ମୋତେ ଏକ ୱେବ ସିରିଜ ପାଇଁ ପଚରାଯାଇଥିଲା ଏବଂ ତାର ଷ୍ଟୋରି ମୋତେ ବହୁତ ପ୍ରଭାବିତ କରିଥିଲା । ତେଣୁ ମୁଁ ଏବେ ଏହି ୱେବ ସିରିଜ କରିବା ପାଇଁ ରାଜି ଅଛି ।
ଡେଜି ଆହୁରି କହିଛନ୍ତି ଯେ, ଯେତେବେଳେ ଆମକୁ ଅନୁମତି ମିଳିବ ଆମେ ଏହି ୱେବ ସିରିଜର ସୁଟିଂ ଆରମ୍ଭ କରିବୁ ।
ନିକଟରେ ଡେଜିଙ୍କ ଆଗାମୀ ଫିଲ୍ମ 'ବୁଲବୁଲ ମ୍ୟାରେଜ ହଲ'ର ସୁଟିଂ ଏପ୍ରିଲ 24ରୁ ଆରମ୍ଭ କରିବାର କାର୍ଯ୍ୟକ୍ରମ ଥିଲା, କିନ୍ତୁ ଲକଡାଉନ ହେତୁ ଏହି ସୁଟିଂକୁ ସ୍ଥଗିତ ରଖିବାକୁ ପଡିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
