ମୁମ୍ବାଇ: ଏହି ସମୟରେ ବଲିଉଡର ଦବଙ୍ଗ ବୟ ସଲମାନ ଖାନ ଖୁବ୍ ଚର୍ଚ୍ଚାରେ ରହିଛନ୍ତି । ସେ ନିଜର ଆଗାମୀ ଫିଲ୍ମ ଭାରତକୁ ନେଇ ବ୍ୟସ୍ତ ଥିବାବେଳେ ଏହାସହ ତାଙ୍କ ଆଉ ଏକ ବଡ ଫିଲ୍ମର ଘୋଷଣା ହୋଇଛି । ଫିଲ୍ମଟି ହେଲା 'ଦବଙ୍ଗ-3' । ଯାହାର ସୁଟିଂ ମଧ୍ୟ ଆରମ୍ଭ ହୋଇଯାଇଛି । ନିକଟରେ ସଲମାନ ନିଜ ଭାଇ ଅର୍ଥାତ୍ ଅଭିନେତା ଅରଜାବ ଖାନଙ୍କ ସହ ଭିଡିଓ ଜାରି କରି 'ଦବଙ୍ଗ-3'ର ଘୋଷଣା କରିଥିଲେ । ସଲମାନ ଏହି ଫିଲ୍ମର ସୁଟିଂ କରିବା ପାଇଁ ବର୍ତ୍ତମାନ ମଧ୍ୟପ୍ରଦେଶରେ ପହଞ୍ଚିଛନ୍ତି । ସୁଟିଂ ସମୟରେ ସେଟରୁ ସଲମାନଙ୍କ ଏକ ଭିଡିଓ ଲିକ ହୋଇଛି । ଏହି ଭିଡିଓ ପାଇଁ ସଲମାନ ସୋସିଆଲ ମିଡିଆରେ ଟ୍ରୋଲ ହେବାରେ ଲାଗିଛନ୍ତି ।
କଥାଟି ହେଲା କି ସଲମାନ ନର୍ମଦା ଘାଟରେ ଫିଲ୍ମ ସୁଟିଂ କରିବାକୁ ପହଞ୍ଚିଥିଲେ । ସେହି ସମୟରେ ସେ ଫିଲ୍ମର ଏକ ଡାନ୍ସ ନମ୍ବର ସୁଟ କରିବାରେ ବ୍ୟସ୍ତ ଥିଲେ । ଯାହାର ଭିଡିଓ ଲିକ ହୋଇଛି । କୁହାଯାଉଛି ଯେ ଏହି ଡାନ୍ସ ନମ୍ବରଟି ଫିଲ୍ମର ଟାଇଟଲ ଗୀତ । ଭିଡିଓରେ ସଲମାନ ଡାନ୍ସ କରୁଥିବାର ନଜର ଆସୁଛନ୍ତି । ଯେତେବେଳେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଲା, ତେବେ ୟୁଜର୍ସ ସଲମାନଙ୍କୁ ଟ୍ରୋଲ କରିବାରେ ଲାଗିଗଲେ ।
କାହାକୁ ସଲମାନଙ୍କ ଡାନ୍ସ ପସନ୍ଦ ଆସି ନାହିଁ ତ ଆଉ କାହାକୁ ତାଙ୍କ ଷ୍ଟାଇଲ ବେକାର ଲାଗୁଛି । ଜଣେ ୟୁଜର ଲେଖିଛନ୍ତି, "କିଏ ଏହା ନୋଟିସ କରିଛ କି ସଲମାନ ଡାନ୍ସ କରିପାରିବେ ନାହିଁ ।" ଅନ୍ୟପଟେ ଆଉ ଜଣେ ୟୁଜର ଲେଖିଛନ୍ତି, "ସଲମାନଙ୍କ ଡାନ୍ସରେ ଇମ୍ପ୍ରେସ କରିପାରୁନାହାଁନ୍ତି । ସବୁଠାରୁ ଖରାପ ଥିଲା ଆଉ ଜଣେ ୟୁଜରଙ୍କ କମେଣ୍ଟ । ସେ ସଲମାନଙ୍କୁ ବୁଢା କହିବା ସହ ନିଜ ଓଜନ କମ କରିବାକୁ ପରାର୍ମଶ ଦେଇଥିଲେ ।
