ନୂଆଦିଲ୍ଲୀ: ଶନିବାର ଦିନ ବଲିଉଡ ଅଭିନେତା ବରୁଣ ଧୱନ ଏବଂ ଅଭିନେତ୍ରୀ ସାରା ଅଲି ଖାନଙ୍କ ବହୁ ପ୍ରତିକ୍ଷିତ ଚଳଚ୍ଚିତ୍ର କୁଲି ନମ୍ବର -1 ର ଟ୍ରେଲର ମୁକ୍ତିଲାଭ କରିଛି । ଫିଲ୍ମର ଟ୍ରେଲର ଆମାଜନ ପ୍ରାଇମ ଭିଡିଓ ଇଣ୍ଡିଆର ଅଫିସିଆଲ ୟୁଟ୍ୟୁବ ଚ୍ୟାନେଲରେ ମୁକ୍ତିଲାଭ କରିଛି । ଏକ ଘଣ୍ଟାରୁ କମ୍ ସମୟ ମଧ୍ୟରେ ଏହି ଟ୍ରେଲରଟିକୁ ଏକ ଲକ୍ଷରୁ ଅଧିକ ଭ୍ୟୁ ମିଳିଛି ।
- " class="align-text-top noRightClick twitterSection" data="">
ଏହି ଚଳଚ୍ଚିତ୍ରରେ ଗୋବିନ୍ଦାଙ୍କ ସ୍ଥାନରେ ବରୁଣ ଏବଂ କରିସ୍ମା କପୁରଙ୍କ ସ୍ଥାନରେ ସାରା ଅଭିନୟ କରିଛନ୍ତି । ଏହି ନୂତନ ଚଳଚ୍ଚିତ୍ରରେ ଜଣେ ଧନୀ ପିତା ମଧ୍ୟ ଅଛନ୍ତି ଯିଏ ତାଙ୍କ ଝିଅ ପାଇଁ ଏକ ପୁଅ ଖୋଜୁଥିବାର ଦେଖିବାକୁ ମିଳିଛି । ତାଙ୍କୁ ଶେଷରେ କୁଲି ନମ୍ବର ୱାନ୍ ଅର୍ଥାତ୍ ବରୁଣ ମିଳିଥାଏ । ଯାହାପରେ କାହାଣୀରେ ମଜାଦାର କମେଡି ଦେଖିବାକୁ ମିଳିଛି ।
ଟ୍ରେଲରରୁ ଏହା ଜଣା ପଡିଛି ଯେ ସାରାଙ୍କ ପିତା ପରେଶ ରାୱଲ, ଯିଏ ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରୁ ଜଣେ ଅଟନ୍ତି ।
ଟ୍ରେଲରରେ ବରୁଣଙ୍କ ଡବଲ୍ ରୋଲ୍ ଟ୍ବିଷ୍ଟ୍ ର ମଧ୍ୟ ଚେଷ୍ଟା କରାଯାଇଛି । ଯାହା ପୁରାତନ ଚଳଚ୍ଚିତ୍ରରେ ମଧ୍ୟ ଥିଲା ।
ବିଶେଷ କଥା ହେଉଛି, ଯଦିଓ ଅରଜିନାଲ ଫିଲ୍ମର କାହାଣୀକୁ ପରିବର୍ତ୍ତନ କରାଯାଇ ନାହିଁ, କିନ୍ତୁ ଫିଲ୍ମରେ ଏପରି ଅନେକ ଜିନିଷ ଅଛି ଯାହା ମାଧ୍ୟମରେ ନୂତନତା ଅଣାଯାଇଛି ।
ପ୍ରକାଶ ଥାଉ ଯେ, କୁଲି ନଂ-1 ଫିଲ୍ମରେ ମୁଖ୍ୟ କଳାକାରଙ୍କ ବ୍ୟତୀତ ପରେଶ ରାୱଲ, ରାଜପାଲ ଯାଦବ, ଜନି ଲିଭର, ଜାଭେଦ୍ ଜାଫ୍ରି ଏବଂ ଅନ୍ୟ କଳାକାରମାନେ ମଧ୍ୟ ଅଭିନୟ କରିଛନ୍ତି ।
