ମୁମ୍ବାଇ: ଛୋଟ ପରଦାରେ ଦର୍ଶକ କମେଡିର ଓଭରଡୋଜ ଦେଖିବାକୁ ପାଇବେ । କାରଣ ଏବେ ହାତ ମିଶାଇଛନ୍ତି ଲୋକପ୍ରିୟ କମେଡିଆନ ସୁନୀଲ ଗ୍ରୋଭରଙ୍କ ସହ ଫେମସ ଅଭିନେତ୍ରୀ ଶିଳ୍ପା ସିନ୍ଦେ । ଏହି ଯୋଡି ଦର୍ଶକଙ୍କୁ ହସାଇବା ପାଇଁ ଏକ ନୂଆ କମେଡି ଶୋ ନେଇ ଫେରିବେ । ଯାହାର ନାମ ରଖାଯାଇଛି ‘କମେଡି ଷ୍ଟାର୍ସ’। ଏଥିରେ ସୁନୀଲ ଓ ଶିଳ୍ପାଙ୍କ ବ୍ୟତୀତ ସୁଗନ୍ଧା ମିଶ୍ରା, ସଙ୍କେତ ଭୋସଲେ, ସିଦ୍ଧାର୍ଥ ସାଗର, ଉପାସନା ସିଂ, ପରିତୋଷ ତ୍ରିପାଠୀ ଓ ଜତିନ୍ଦର ସୁରୀ ମଧ୍ୟ ନଜର ଆସିବେ ।
ଟିଭି ଦୁନିଆର ଫେମସ ଡାକ୍ତର ଗୁଲାଟି ଓ ଏକ୍ସ ଅଙ୍ଗୁରୀ ଭାବିଙ୍କ ଫ୍ୟାନ୍ସଙ୍କ ପାଇଁ ଏହା କୌଣସି ଗୁଡନ୍ୟୁଜଠୁ କମ ନୁହେଁ । ସବୁଠୁ ଖାସ୍ କଥା ହେଲା ଯେ ଏହି ଶୋ ପାଇଁ ଦର୍ଶକଙ୍କୁ ୱିକେଣ୍ଡର ଅପେକ୍ଷା କରିବାକୁ ପଡିବ ନାହିଁ । କାରଣ ଏହି ଶୋ ସପ୍ତାହର ଛୁଟି ଦିନରେ ନୁହେଁ ୱାର୍କିଂ ଡେରେ ଟେଲିକାଷ୍ଟ ହେବ।
ସୋମବାରୁ ଶୁକ୍ରବାର ପର୍ଯ୍ୟନ୍ତ ଦର୍ଶକଙ୍କୁ ହସାଇବାକୁ ପ୍ରସ୍ତୁତ ହୋଇସାରିଛନ୍ତି ଏହି ସବୁ ଷ୍ଟାର୍ସ । ପ୍ରକାଶ ଥାଉକି ‘କମେଡି ଷ୍ଟାର୍ସ’ ଶୋର ପ୍ରୟୋଜନା ଦାୟିତ୍ବ ତୁଲାଉଛନ୍ତି ପ୍ରିତି ଓ ନିତି ।
