ମୁମ୍ବାଇ: ପୁଣି କଳା ଜଗତରେ କୋରୋନା ଭୟ । ଟଳିଲା କିଛି ଫିଲ୍ମର ରିଲିଜ ତାରିଖ । ଯାହାକୁ ନେଇ ଏବେ ଅମିତାଭ ବଚ୍ଚନ-ଇମରାନ ହାସମିଙ୍କ ଷ୍ଟାରର ଫିଲ୍ମ'ଚେହେରେ' ର ରିଲିଜ ତାରିଖକୁ ସ୍ଥଗିତ ରଖାଯାଇଛି । ଏହି ଫିଲ୍ମ 9 ଏପ୍ରିଲରେ ରିଲିଜ ହେବାର ଥିଲା । ଏବେ କିନ୍ତୁ ଫିଲ୍ମର ନୂଆ ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ ।
ନିର୍ମାତା ଆନନ୍ଦ ପଣ୍ଡିତ ଏହି ଖବରକୁ ନିଶ୍ଚିତ କରି କହିଛନ୍ତି ଯେ, ଦର୍ଶକ ସୁରକ୍ଷିତ ରୁହନ୍ତୁ ବୋଲି ଆମେ ନିଶ୍ଚିତ କରିବାକୁ ଚାହୁଁଛୁ ।
ନିର୍ମାତା କହିଛନ୍ତି, 'ଆମ ଦର୍ଶକ ଏବଂ ପ୍ରଶଂସକଙ୍କ ଅବସ୍ଥା ଏବଂ ନିରାପତ୍ତାକୁ ଧ୍ୟାନରେ ରଖି ଆମେ ଆମର ଫିଲ୍ମ 'ଚେହେରେ'ର ରିଲିଜ୍ ତାରିଖକୁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛୁ' ।
ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରୁମି ଜାଫରୀ ଏବଂ ଏଥିରେ ରିଆ ଚକ୍ରବର୍ତ୍ତୀ ମଧ୍ୟ ଅଭିନୟ କରିଛନ୍ତି ।
ନିର୍ଦ୍ଦେଶକ ରୁମି ଜାଫରୀଙ୍କ ଚଳଚ୍ଚିତ୍ରରେ ଅନ୍ନୁ କପୁର, କ୍ରିଷ୍ଟଲ ଡି’ସୁଜା, ରଘୁବୀର ଯାଦବ ଏବଂ ସିଦ୍ଧାନ୍ତ କପୁର ମଧ୍ୟ ଅନ୍ୟାନ୍ୟ ଭୂମିକାରେ ଅଭିନୟ କରିଛନ୍ତି ।
