ମୁମ୍ବାଇ: ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ(NCB)ର ସମନ ପରେ ସୋସିଆଲ ମିଡ଼ିଆରେ ପ୍ରଥମ ପୋଷ୍ଟ କରିଛନ୍ତି ବଲିଉଡ଼ ଅଭିନେତ୍ରୀ ଅନନ୍ୟା ପାଣ୍ଡେ । ଇନ୍ଦ୍ରଧନୁ ପଡିଥିବାର ଏକ ଫଟୋ ସହିତ ଅନନ୍ୟା ଏହି ସୁନ୍ଦର ପୋଷ୍ଟ ସେୟାର କରିଛନ୍ତି । ତେବେ ବର୍ଷା ବିନା ତୁମେ ଇନ୍ଦ୍ରଧନୁ ପାଇବ ନାହିଁ ବୋଲି ଏହି ପୋଷ୍ଟର କ୍ୟାପସନରେ ଲେଖିଛନ୍ତି ଅନନ୍ୟା ।
- " class="align-text-top noRightClick twitterSection" data="
">
ତେବେ NCBର ସମନ ପରେ ଅନନ୍ୟା ସୋସିଆଲ ମିଡ଼ିଆରେ ଆକ୍ଟିଭ ରହୁନଥିଲେ । କିନ୍ତୁ ସେହି ଘଟଣା ପରେ ସେ ପୁଣି ନିଜ ସୋସିଆଲ ମିଡ଼ିଆ ଜରିଆରେ ନଜର ଆସିଛନ୍ତି । ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସେ ଏକ ଭିଡ଼ିଓ ସେୟାର କରିଛନ୍ତି । ଯେଉଁଥିରେ ସେ କାରରେ ବସିଥିବା ବେଳେ ପଛପାର୍ଶ୍ବରେ ଆକାଶରେ ସୁନ୍ଦର ଇନ୍ଦ୍ରଧନୁ ଦୃଶ୍ୟମାନ ହେଉଛି । ଏହାକୁ ପୋଷ୍ଟ କରି 'ବର୍ଷା ବିନା ତୁମେ ଇନ୍ଦ୍ରଧନୁ ପାଇବ ନାହିଁ' କ୍ୟାପସନରେ ଲେଖିଛନ୍ତି ସେ ।
ଏହାପରେ ସେ ଇନଷ୍ଟାଗ୍ରାମ ଷ୍ଟୋରୀ ମାଧ୍ୟମରେ ଭଉଣୀ ଅଲାନ୍ନା ପାଣ୍ଡେଙ୍କୁ ବୟଫ୍ରେଣ୍ଡ Ivor McCrayଙ୍କ ସହିତ ନିର୍ବନ୍ଧ ହେବା ପରେ ଶୁଭେଚ୍ଛା ଜଣାଇଛନ୍ତି । ଏଥିରେ 'ଢେର ସାରା ଭଲପାଇବା' ଲେଖି ସେ @alannapandayଙ୍କୁ ଟ୍ୟାଗ କରିଛନ୍ତି । ଅନନ୍ୟା ଆଗକୁ ଶକୁନ ବତ୍ରାଙ୍କ ନିର୍ଦ୍ଦେଶିତ ପିଲ୍ମରେ ନଜର ଆସିବେ । ଏଥିରେ ଅନ୍ୟ କଳାକାର ଭାବେ ଲୋକପ୍ରିୟ ଅଭିନେତ୍ରୀ ଦୀପିକା ପାଦୁକୋନ ଓ ଅଭିନେତା ସିଦ୍ଧାନ୍ତ ଚର୍ତ୍ତୁବେଦୀ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
