ମୁମ୍ବାଇ: ଅଭିନେତ୍ରୀ ଆଲିଆ ଭଟ୍ଟ, ସଞ୍ଜୟ ଦତ୍ତ ଏବଂ ଆଦିତ୍ୟ ରୟ କପୁରଙ୍କ ଆଗାମୀ ଚଳଚ୍ଚିତ୍ର 'ସଡକ- ୨' ର ଟ୍ରେଲର ରିଲିଜ ହୋଇସାରିଛି ।
ଏହି ଚଳଚ୍ଚିତ୍ରର ଟ୍ରେଲର ରିଲିଜ୍ ହେବା ମାତ୍ରେ ସୁଶାନ୍ତଙ୍କ ପ୍ରଶଂସକମାନେ ଏହାକୁ ଟ୍ରୋଲ କରିବା ଆରମ୍ଭ କରିଥିଲେ । ଏହା ବ୍ୟତୀତ "ବଏକଟ୍ ସଡକ- ୨" ଟ୍ୱିଟରରେ ଟ୍ରେଣ୍ଡ କରୁଛି ।
ଫିଲ୍ମର ଟ୍ରେଲର ଦେଖିବା ପରେ ୟୁଜର୍ସମାନେ ଟ୍ୱିଟରରେ ନିଜର ମତ ପ୍ରକାଶ କରୁଛନ୍ତି । କିଛି ୟୁଜର୍ସ ଟ୍ରେଲରକୁ ଚମତ୍କାର ବୋଲି କହୁଥିବାବେଳେ ଅଧିକାଂଶ ୟୁଜର୍ସ ଏହାକୁ ସୋସିଆଲ ମିଡିଆରେ ଖରାପ ବୋଲି କହୁଛନ୍ତି ।
ଜଣେ ୟୁଜର୍ସ ଟୁଇଟ୍ କରି କହିଛନ୍ତି, ଫିଲ୍ମର ଟ୍ରେଲର ଆଉଟ ହୋଇଛି । ଏହାକୁ କେବଳ ଡିସ୍ ଲାଇକ କର ନାହିଁ, ବରଂ ଏହାକୁ ସବୁଠାରୁ ଖରାପ ଟ୍ରେଲର ବୋଲି କୁହ ।
ଅନ୍ୟ ଜଣେ ୟୁଜର୍ସ ଲେଖିଛନ୍ତି, "ସଡକ-2 ନେହିଁ, ବଲ୍କି ୟେ ହେ ସଡକ ଥୁ" । "ବଏକଟ୍ ସଡକ- ୨" ।
ତୃତୀୟ ୟୁଜର୍ସ ଲେଖିଛନ୍ତି, ମୁଁ ଏପରି ସନ୍ଦେହଜନକ ଟ୍ରେଲର କେବେବି ଦେଖି ନାହିଁ ।
ନିକଟରେ ଯେତେବେଳେ 'ସଡକ- ୨' ଫିଲ୍ମର ପୋଷ୍ଟର ରିଲିଜ ହୋଇଥିଲା, ସେତେବେଳେ ଫିଲ୍ମକୁ ନେଇ ସୋସିଆଲ ମିଡିଆରେ ବହୁତ ବିରୋଧ କରାଯାଇଥିଲା । ପ୍ରଶଂସକମାନେ ଫିଲ୍ମକୁ ବଏକଟ୍ କରିବାକୁ କହିଥିଲେ ।
ବାସ୍ତବରେ, ସୁଶାନ୍ତଙ୍କ ମୃତ୍ୟୁ ପରଠାରୁ ତାଙ୍କ ଫ୍ୟାନ୍ସମାନେ ଷ୍ଟାର-କିଡ୍ସଙ୍କୁ ବହୁତ ଖରାପ କଥା କହୁଛନ୍ତି ଏବଂ ତାଙ୍କୁ ସୋସିଆଲ ମିଡିଆରେ ଟ୍ରୋଲ କରୁଛନ୍ତି । ଏହି କାରଣରୁ ପ୍ରଶଂସକମାନେ ଆଲିଆ ଭଟ୍ଟଙ୍କ ଏହି ଫିଲ୍ମକୁ ମଧ୍ୟ ବଏକଟ୍ କରିବାକୁ ଦାବି କରୁଛନ୍ତି ।
