ହାଇଦ୍ରାବାଦ: ନିର୍ବାଚନ ଫଳାଫଳକୁ ଅପେକ୍ଷା କରିଛନ୍ତି ପରୀକ୍ଷା ଦେଇଥିବା ସମସ୍ତ ପ୍ରାର୍ଥୀ । ଏଥିରେ ପଛରେ ନାହାଁନ୍ତି ବଲିଉଡ କଳାକାର । ନିର୍ବାଚନ ମଇଦାନରେ ପ୍ରବେଶ କରିଛନ୍ତି ଅନେକ ସେଲିବ୍ରିଟି ଓ ସେମାନଙ୍କ କିସମତର ଚାବି ଇଭିଏମରେ ବନ୍ଦ ଅଛି ।
କିଛି ଦିନ ତଳେ ଅଭିନେତା ସନ୍ନି ଦେଓଲ ବିଜେପିରେ ଯୋଗ ଦେଇ ଗୁରୁଦାସପୁରରୁ ଲୋକସଭା ଆସନ ପାଇଁ ଲଢୁଛନ୍ତି । ଗୁରୁଦାସପୁରର ସିଟ ସବୁବେଳେ ବଲିଉଡ ହାତରେ ରହିଛି । ତେଣୁ ଆଶା କରାଯାଉଛି ଯେ, ସନ୍ନିଙ୍କୁ ଏଥର ସଫଳତା ମିଳିପାରେ । ତେବେ କଂଗ୍ରେସର ସୁନୀଲ ଜାଖଡା, ସନ୍ନିଙ୍କୁ ବରାବାର ଟକ୍କର ଦେଇପାରନ୍ତି ।
ବଲିଉଡର ରଙ୍ଗିଲା ଗାର୍ଲ ଉର୍ମିଳା ମାତୋଣ୍ଡକର ଉତ୍ତର ମୁମ୍ବାଇରୁ କଂଗ୍ରେସ ଲୋକସଭା ପ୍ରାର୍ଥୀ ଭାବରେ ଲଢେଇ କରୁଛନ୍ତି । ତାଙ୍କ ମୁକାବିଲା କରିବେ ସାଂସଦ ଗୋପାଳ ସେଟ୍ଟୀ ।
ମଥୁରାରୁ ଦ୍ବିତୀୟ ଥର ନିର୍ବାଚନ ଲଢୁଛନ୍ତି ଡ୍ରିମ ଗାର୍ଲ ହେମା ମାଳିନି । ତେବେ ହେମା ନିଜ ଅଞ୍ଚଳରେ ଅଧିକ ସକ୍ରିୟ ଅଛନ୍ତି । ଦେଖାଯାଉ ଏଥରକ ତାଙ୍କ ଭାଗ୍ୟ କେତେ ସାଥ ଦେଉଛି ।
ବିଜେପି ଟିକେଟରେ ରାମପୁରରୁ ଅଭିନେତ୍ରୀ ଜୟା ପ୍ରଦା ନିର୍ବାଚନ ଲଢୁଛନ୍ତି । ତେବେ ଆଜମ ଖାନଙ୍କ ଓପୋଜିଟରେ ଲଢୁଛନ୍ତି ଜୟା ।
ତେବେ ଏଥରକ ଅଧିକ ଚର୍ଚ୍ଚାରେ ଅଛନ୍ତି କିରଣ ଖେର । ଚଣ୍ଡିଗଡରୁ ଲଢୁଛନ୍ତି କିରଣ । ତେବେ କିଛି ଦିନତଳେ ପତ୍ନୀଙ୍କ ଭୋଟ ମାଗୁଥିବାର ଦେଖିବାକୁ ମିଳିଥିଲା ଅନୁପମ ଖେରଙ୍କୁ । ତେବେ ଦେଖାଯାଉ କିରଣଙ୍କ ଭାଗ୍ୟ କେତେ ସାଥ ଦେଉଛି ।
ଭୋଜପୁରୀ ସୁପରଷ୍ଟାର ରବି କିଶନ ଗୋରଖପୁରରୁ ନିର୍ବାଚନ ଲଢୁଛନ୍ତି। ତେବେ ଏଥର ରବି କିଶନଙ୍କ ଭାଗ୍ୟ ଚମକିପାରେ ବୋଲି କୁହାଇଯାଇପାରେ ।
