ମୁମ୍ବାଇ: ସୁପରଷ୍ଟାର ଅକ୍ଷୟ କୁମାର ନିକଟରେ ନିଜର ଅପକମିଂ ଫିଲ୍ମ ‘ବଚ୍ଚନ ପାଣ୍ଡେ’ର ଫାଷ୍ଟଲୁକ ପୋଷ୍ଟର ସେୟାର କରିଥିଲେ । ଯାହାପରଠୁ ତାଙ୍କ ଏହି ଫିଲ୍ମକୁ ନେଇ ଉତ୍ସାହିତ ନଜର ଆସୁଛନ୍ତି ଫ୍ୟାନ୍ସ । ଆଉ ଫିଲ୍ମ ସହ ସମ୍ପୃକ୍ତ ଥିବା ଖବର ଜାଣିବାକୁ ବ୍ୟାକୁଳ ସମସ୍ତେ । ଫିଲ୍ମରେ ଅକ୍ଷୟଙ୍କ ସହ ସୁନ୍ଦରୀ ଅଭିନେତ୍ରୀ କିର୍ତ୍ତୀ ସାନନଙ୍କ ରୋମାନ୍ସ ଦେଖିବାକୁ ମିଳିବ । ଇତିମଧ୍ୟରେ ଫିଲ୍ମକୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ବି-ଟାଉନର ସର୍କିଟ ଅର୍ଶଦ ୱାରସୀ ଏହି ଫିଲ୍ମରେ ସାମିଲ ହେବା ଖବର ଚର୍ଚ୍ଚାରେ ।
କଥାଟି ହେଲା ଯେ ‘ବଚ୍ଚନ ପାଣ୍ଡେ’ ମେକର୍ସଙ୍କୁ ଏମିତି ଜଣେ ଅଭିନେତାଙ୍କର ଆବଶ୍ୟକ ଥିଲା ଯିଏ ଅକ୍ଷୟଙ୍କ ଅଭିନୟ ସହ ପରଫେକ୍ଟ କମେଡି କରିପାରିଥାଆନ୍ତେ । ତେବେ ହଠାତ୍ ମେକର୍ସଙ୍କ ମନରେ ଅର୍ଶଦଙ୍କ କଥା ଆସିଥିଲା । ଯାହାଦ୍ବାରା ତାଙ୍କୁ ଏହି ଫିଲ୍ମରେ ସାଇନ କରାଇନେଇଛନ୍ତି ମେକର୍ସ ।
ସେ ଫିଲ୍ମରେ ଅକ୍ଷୟଙ୍କ ବନ୍ଧୁ ଭୂମିକାରେ ଦେଖାଯିବେ । ମୁଖ୍ୟ କଥା ହେଲା ଯେ ଅକ୍ଷୟ ଓ ଅର୍ଶଦ କେବେ ମଧ୍ୟ ଏକାଠି ପରଦାରେ କାମ କରିନାହାଁନ୍ତି । ପ୍ରଥମଥର ଏହି ଯୋଡି ସ୍କ୍ରିନ ସେୟାର କରିବାକୁ ଯାଉଛନ୍ତି । ଯାହାକୁ ନେଇ ଉତ୍ସାହିତ ମେକର୍ସ । ସେହିପରି କିର୍ତ୍ତୀ ଫିଲ୍ମରେ ଜଣେ ସାମ୍ବାଦିକା ଭୂମିକାରେ ଅଭିନୟ କରୁଛନ୍ତି । ଯିଏ ଜଣେ ଭବିଷ୍ୟତରେ ଫିଲ୍ମ ନିର୍ଦ୍ଦେଶିକା ହେବାକୁ ସ୍ବପ୍ନ ଦେଉଥିବେ ।
ପ୍ରକାଶ ଥାଉକି ନିକଟରେ ଅକ୍ଷୟଙ୍କ ଚର୍ଚ୍ଚିତ ହରର କମେଡି ଡ୍ରାମା ଫିଲ୍ମ ‘ଲକ୍ଷ୍ମୀ’ ରିଲିଜ ହୋଇଥିଲା । ଏହାବ୍ୟତୀତ ଅକ୍ଷୟ ‘ବେଲ ବଟମ’, ‘ପୃଥ୍ବୀରାଜ’ରେ ମଧ୍ୟ ନଜର ଆସିବେ ।
