ମୁମ୍ବାଇ: ବଲିଉଡ ଅଭିନେତ୍ରୀ କରୀନା କପୁର ଖାନ ପୌରାଣିକ ମହାଗାଥାରେ ସୀତା ଭୂମିକାରେ ଅଭିନୟ କରିବାକୁ ନେଇ ବେଶ ଚର୍ଚ୍ଚାରେ ଥିଲେ। ସୀତା ଭୂମିକାରେ ଅଭିନୟ କରିବାକୁ ନେଇ କରୀନା ୧୨ କୋଟି ଟଙ୍କା ଦାବି କରିଥିଲେ ।
ଯାହା ପରେ ସୋସିଆଲ ମିଡିଆରେ କରୀନାଙ୍କୁ ବୟକଟ କରିବାକୁ ଦାବି ହୋଇଥିଲା।
ଏବେ ଏହି ଫିଲ୍ମ ବିଷୟରେ ଆଉ ଏକ ବଡ ସୂଚନା ସାମ୍ନାକୁ ଆସିଛି । ବର୍ତ୍ତମାନ ନିର୍ମାତାମାନେ ଫିଲ୍ମରେ କରୀନାଙ୍କ ସ୍ଥାନରେ କଙ୍ଗନା ରଣାୱତଙ୍କୁ କାଷ୍ଟ କରିବାକୁ ଚାହୁଁଛନ୍ତି ।
ସୂଚନା ଅନୁଯାୟୀ, ‘ସୀତା–ଦି ଇନକର୍ନେସନ୍’(Mythological Role of Sita)ର ନିର୍ମାତା କରୀନାଙ୍କ ବଦଳରେ ଫିଲ୍ମରେ କଙ୍ଗନାଙ୍କୁ ସାଇନ୍ କରିବାକୁ ଚିନ୍ତା କରୁଛନ୍ତି।
ଫିଲ୍ମର ଲେଖକ କେ.ବି ବିଜୟେନ୍ଦ୍ର ପ୍ରସାଦ ଏହି ଫିଲ୍ମରେ କଙ୍ଗନାଙ୍କୁ ନେବା ପାଇଁ ଇଚ୍ଛା ପ୍ରକାଶ କରିଛନ୍ତି । ତେବେ ନିର୍ମାତା ଏବଂ କଙ୍ଗନାଙ୍କ ଦ୍ବାରା ଏହି ଖବରକୁ ନେଇ ଏପର୍ଯ୍ୟନ୍ତ କୌଣସି ନିଶ୍ଚିତତା ମିଳିନାହିଁ।
ପ୍ରକାଶ ଥାଉ କି, ଆଗାମୀ ସମୟରେ କରୀନା ଫିଲ୍ମ 'ଲାଲ ସିଂ ଚଡ୍ଡା'ରେ ନଜର ଆସିବେ।
