ମୁମ୍ବାଇ: ଏବର୍ଷ ବିଶ୍ବରେ ଅନେକ ଅଘଟଣ ଘଟିବାରେ ଲାଗିଛି। ବର୍ଷ ଆରମ୍ଭରୁ କୋରୋନା ଭାଇରସର ତାଣ୍ଡବ ବିଶ୍ବରେ ଦେଖିବାକୁ ମିଳୁଛି । ଏଥିରୁ ବାଦ ପଡିନଥିବା ବେଳେ ଶୁକ୍ରବାର ପଡୋଶୀ ଦେଶ ପାକିସ୍ତାନରେ ଜନବହୁଳ ସ୍ଥାନରେ ପ୍ଲେନ କ୍ରାଶ ହେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ଏହି ଦୁର୍ଘଟଣାରେ ଏଯାବତ 82 ଲୋକଙ୍କ ଜୀବନ ଚାଲିଯିବା ଖବର ସାମ୍ନାକୁ ଆସିଛି। ଯାହା ଉପରେ ବର୍ତ୍ତମାନ ବି-ଟାଉନ ସେଲିବ୍ରିଟିଙ୍କ ଦୁଃଖଭରା ପ୍ରତିକ୍ରିୟା ସାମ୍ନାକୁ ଆସିଛି।
ଏହି ଦୁର୍ଘଟଣା ଜିନ୍ନା ଇଣ୍ଟରନ୍ୟାସନାଲ ଏୟାରପୋର୍ଟ ପାଖରେ ହୋଇଛି । ଫ୍ଲାଇଟରେ ପାଖାପାଖି 99 ଯାତ୍ରୀ ଯାତ୍ରା କରୁଥିଲେ । ଯେଉଁମାନଙ୍କ ମଧ୍ୟରୁ 97 ଜଣଙ୍କ ମୃତ୍ୟୁ ଖବର ସାମ୍ନାକୁ ଆସିଛି । ଏହି ଦୁର୍ଘଟଣାରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଠୁ ନେଇ ସେଲିବ୍ରିଟି ଟ୍ବିଟ କରି ଦୁଃଖ ପ୍ରକାଶ କରିଛନ୍ତି ।
ଅନିଲ କପୁର, ସୋନମ କପୁର, ଅନୁପମ ଖେର ଓ ଅନୁଭବ ସିହ୍ନା ଭଳି ବି-ଟାଉନର ଲୋକପ୍ରିୟ କଳାକାର ସୋସିଆଲ ମିଡିଆରେ ଦୁଃଖ ଜାହିର କରିଛନ୍ତି ।
