ହାଇଦ୍ରାବାଦ: ଦେଶ ସେଲିବ୍ରେଟ କରୁଛି ଫାଦର୍ସ ଡେ । ଏବି ଅବସରରେ ବଲିଉଡର ସିତାରା ମଧ୍ୟ ପଛରେ ନାହାଁନ୍ତି । ବବି ଦେଓଲଙ୍କଠୁ ଆରମ୍ଭ କରି ରଣବୀର ସିଂହ ସମସ୍ତେ ସେଲିବ୍ରେଟ କରିଛନ୍ତି ଫାଦର୍ସ ଡେ ।
ଅଭିନେତା ରଣବୀର ସିଂହ ଇନଷ୍ଟାଗ୍ରାମରେ ପିତା ଜଗଜୀତ ସିଂହ ଭଗନାନୀଙ୍କ ପୁରୁଣା ଫଟୋ ସେୟାର କରି ଫାଦର୍ସ ଡେ ର ଶୁଭକାମନା ଜଣେଇଛନ୍ତି ।
ଅନ୍ୟପକ୍ଷେ ବଲିଉଡ ଅଭିନେତା ବବି ଦେଓଲ ମଧ୍ୟ ଇନଷ୍ଟାଗ୍ରାମରେ ପିତା ଧର୍ମେନ୍ଦ୍ର ସହ ପୁଅ ଆର୍ଯ୍ୟମାନ ଦେଓଲଙ୍କ ଫଟୋ ସେୟାର କରିଥିଲେ । ଏହାସହ ଆର୍ଯ୍ୟମାନଙ୍କୁ 18ତମ ଜନ୍ମଦିନର ଶୁଭକାମନା ଦେଇଛନ୍ତି ।
ରିଧିମା କପୁର ସାହଣୀ ମଧ୍ୟ ପିତା ଋଷି କପୁରଙ୍କ ଏହି ଖାସଦିନର ଶୁଭେଚ୍ଛା ଜଣାଇଥିଲେ । ଅଭିନେତା ବରୁଣ ଧୱନ ମଧ୍ୟ ଏକ ମଜାଦାର ଭିଡିଓ ସେୟାର କରିଥିଲେ ଏହି ଭିଡିଓରେ ପିତା ଡାଭିଡ ଧୱନ ବରୁଣଙ୍କୁ ମାରୁଥିବାର ନଜର ଆସିଛି ।
ତେବେ ଅଭିନେତ୍ରୀ ରକୁଲ ପ୍ରୀତ ମଧ୍ୟ ଫାଦର୍ସ ଡେ ର ଶୁଭେଚ୍ଛା ଦେଇଛନ୍ତି । ଅନ୍ୟପକ୍ଷେ ସାରା ଅଲ୍ଲୀ ଖାନ ପିତା ସୈଫ ଅଲ୍ଲୀ ଖାନଙ୍କ ସହ ପିଲାଦିନର ଏକ ଫଟୋ ସେୟାର କରି ପିତାଙ୍କୁ ସବୁବେଳେ ସାଥିରେ ରହିଥିବାରୁ ଧନ୍ୟବାଦ ଦେଇଛନ୍ତି ।
ଅଭିନେତ୍ରୀ ସୋନମ କପୁର ମଧ୍ୟ ପିଲାବେଳର ଏକ ଫଟୋ ପୋଷ୍ଟ କରିଛନ୍ତି ଯେଉଁଥିରେ ଅନୀଲ କପୁର ଛୋଟ ସୋନମଙ୍କୁ କୋଳେଇ ଧରିଥିଲେ । ଅନ୍ୟପକ୍ଷେ ଆଥିୟା ସେଟ୍ଟି, ସୁନୀଲ ସେଟ୍ଟିଙ୍କ ଏକ ମଜାଦାର ଫଟୋ ସେୟାର କରିଥିଲେ ।
