ମୁମ୍ବାଇ: ଏବର୍ଷ ଅନେକ ବିଗ ବଜେଟ ଫିଲ୍ମ ରିଲିଜ ହେବାକୁ ଯାଉଛି । ଗତ ବର୍ଷ ଦେଶରେ ସିନେମାହଲ ବନ୍ଦ ଥିବାରୁ ଅନେକ ଫିଲ୍ମ ବଡ ପରଦାରେ ରିଲିଜ ହୋଇନଥିଲା । ଏବେ ସାମାନ୍ୟ ପରିସ୍ଥିତି ହେବାରୁ ଦେଶରେ ଖୋଲି ଯାଇଛି ସବୁ ସିନେମାହଲ । ଆଉ ଧିରେ ଧିରେ କରି ମେକର୍ସ ନିଜ ନିଜ ଫିଲ୍ମ ଏବର୍ଷ ରିଲିଜ କରିବାକୁ ଯାଉଛନ୍ତି । ସବୁଠୁ ବଡ କଥା ହେଲା ଯେ ବକ୍ସ ଅଫିସରେ ମୁହାଁମୁହିଁ ହେବେ ଅନେକ ସୁପରଷ୍ଟାର । କାରଣ ଏକାଠି ରିଲିଜ ହେବାକୁ ଯାଉଛି ଅନେକ ଫିଲ୍ମ । ତେବେ ଆସନ୍ତୁ ଜାଣିବା ଏହି ଫିଲ୍ମ ବିଷୟରେ ..
ସୁପରଷ୍ଟାର ସଲମାନ ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ ‘ରାଧେ’ ଦେଖିବାକୁ ବ୍ୟାକୁଳ ଦର୍ଶକ । ଏବର୍ଷ ଇଦ ତଥା ମେ 13ରେ ରିଲିଜ ହେବ ଫିଲ୍ମ । ସେପଟେ ହ୍ୟାଣ୍ଡସମ ଆକ୍ଟର ଜନ ଅବ୍ରାହମଙ୍କ ଆକ୍ସନ ଡ୍ରାମା ଫିଲ୍ମ ‘ସତ୍ୟମେବ ଜୟତେ 2’ ଠିକ୍ ଏହାର ଗୋଟିଏ ଦିନ, ମେ 14ରେ ରିଲିଜ ହେବ । ଯାହା ଫ୍ୟାନ୍ସଙ୍କ ପାଇଁ ରୋମାଞ୍ଚକଭରା ।
ବି-ଟାଉନର ସିଂଘମ ଅଜୟ ଦେବଗନଙ୍କ ବହୁ ଚର୍ଚ୍ଚିତ ଫଲ୍ମ ‘ମୈଇଦାନ’ ଏବର୍ଷ ଅକ୍ଟୋବର 13ରେ ରିଲିଜ ହେବାକୁ ହେବ । ସେପଟେ ତାଙ୍କ ଅଭିନୀତ ଏବଂ ବାହୁବଳୀ ନିର୍ଦ୍ଦେଶକ ଏସଏସ ରାଜମୌଲୀଙ୍କ ବହୁ ପ୍ରତିକ୍ଷିତ ଫିଲ୍ମ ‘ଟ୍ରିପ ଆର’ ମଧ୍ୟ ଏକା ଦିନରେ ରିଲିଜ ହେବ । ଯେଉଁଥିରେ ଅଜୟଙ୍କ ସହ ଜୁନିୟର ଏନଟିଆର, ରାମ ଚରଣ ଏବଂ ଆଲିୟା ଭଟ୍ଟ ନଜର ଆସିବେ ।
ଏବର୍ଷର ସବୁଠାରୁ ବଡ ଫିଲ୍ମ ତାମିଲ ସୁପରଷ୍ଟାର ୟଶଙ୍କ ‘କେଜିଏଫ ଚାପ୍ଟର 2’ । ଯାହାକୁ ଦେଖିବାକୁ 2018ରୁ ଅପେକ୍ଷା କରିଛନ୍ତି ସମସ୍ତେ । ଜୁଲାଇ 16ରେ ଏହି ଫିଲ୍ମ ରିଲିଜ ହେବାକୁ ଥିବା ବେଳେ ବି-ଟାଉନର ଆକ୍ସନ ହିରୋ ଟାଇଗର ଶ୍ରଫଙ୍କ ଆକ୍ସନ ଡ୍ରାମା ଫିଲ୍ମ ‘ହିରୋପନ୍ତୀ 2’ ମଧ୍ୟ ଗୋଟିଏ ଦିନରେ ରିଲିଜ ହେବ ।
ସେହିପରି ଶାହିଦ କପୁରଙ୍କ ସ୍ପୋର୍ଟ୍ସ ଡ୍ରାମା ଫିଲ୍ମ ‘ଜର୍ସି’ ନଭେମ୍ବର 5ରେ ରିଲିଜ ହେବ । ଆଉ ସୁପରଷ୍ଟାର ଅକ୍ଷୟ କୁମାରଙ୍କ ଫ୍ୟାମିଲି ଡ୍ରାମା ଫିଲ୍ମ ‘ରକ୍ଷାବନ୍ଧନ’ ମଧ୍ୟ ଗୋଟିଏ ଦିନରେ ରିଲିଜ ହେବ । ଅନ୍ୟପଟେ ଅକ୍ଷୟଙ୍କ ଆଉ ଏକ ଫିଲ୍ମ ‘ପୃଥ୍ବୀରାଜ’ ମଧ୍ୟ ଏକାଠି ରିଲିଜ ହେବ ।
