ମୁମ୍ବାଇ: ଦେଶରେ ଅସମ୍ଭାଳ କୋରୋନା ପ୍ରକୋପ । ବଢିଚାଲିଛି ସଂକ୍ରମିତଙ୍କ ସଂଖ୍ୟା । ପୁଣି ପରିସ୍ଥିତି ସମସ୍ତଙ୍କ ପାଇଁ ଜଟିଳ ହୋଇପଡିଛି । ସ୍କୁଲ, କଲେଜ ସିନେମାହଲ ବନ୍ଦ ହୋଇଗଲାଣି । ଅନେକ ରାଜ୍ୟରେ ସାପ୍ତାହିକ ସଟ୍ଡାଉନ ସହ ନାଇଟ୍ କର୍ଫ୍ୟୁ ମଧ୍ୟ ଆରମ୍ଭ ହୋଇଯାଇଛି । ଇତିମଧ୍ୟରେ ଏସବୁ ଦେଖି ଭାବବିହ୍ବଳ ନଜର ଆସୁଛନ୍ତି ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତ । ଏହାସହ ସୋସିଆଲ ମିଡିଆରେ ସେୟାର କରିଛନ୍ତି ନିଜ ଚିନ୍ତା । ଖାଲି ଏତିକି ନୁହେଁ ଲୋକଙ୍କ ସେବାରେ ଲାଇଥିବା ଫ୍ରଣ୍ଟଲାଇନ ୱାକର୍ସଙ୍କର ମଧ୍ୟ ସେ କରିଛନ୍ତି ପ୍ରଶଂସା।
ଭାଇରାଲ ହେଉଥିବା ପୋଷ୍ଟରେ ମାଧୁରୀ ଲେଖିଛନ୍ତି, ‘ଏହା ଅତ୍ୟନ୍ତ ଦୁଃଖଦାୟକ ଯେ କୋରୋନା ମହାମାରୀ ପୁଣି ଥରେ ଆମ ଜୀବନରେ ପ୍ରଭାବ ପକାଉଛି। ଆମେ କେବଳ ପରସ୍ପରର ସହଯୋଗରେ ଏହି ମହାମାରୀକୁ ଦୂର କରିପାରିବା । ମୁଁ ତୁମ ସମସ୍ତଙ୍କୁ ଅନୁରୋଧ କରୁଛି ନିୟମ ପାଳନ କର ଏବଂ ତୁମର ପରିବାରର ଯତ୍ନ ନିଅ । ମୁଁ କରୋନା ଯୋଦ୍ଧାମାନଙ୍କୁ ପ୍ରଣାମ କରୁଛି ଯେ ସେମାନେ ନିସ୍ବାର୍ଥପର ଭାବରେ ଆମର ସେବା କରୁଥିବାରୁ ।’
ପ୍ରକାଶ ଥାଉକି କୋରୋନା ପ୍ରଭାବ ବର୍ତ୍ତମାନ ବଲିଉଡରେ ପଡିଛି । ଯାହାକୁ ଆଧାର କରି ଅନେକ ଫିଲ୍ମର ସୁଟିଂକୁ ବନ୍ଦ ରଖିଛନ୍ତି ମେକର୍ସ । ସେହିପରି ନିର୍ଦ୍ଧାରିତ ତାରିଖରେ ଅନେକ ଫିଲ୍ମ ରିଲିଜକୁ ମଧ୍ୟ ସ୍ଥଗିତ ରଖାଯାଇଛି । ଖାଲି ଏତିକି ନୁହେଁ ଏହି କିଛି ସପ୍ତାହ ମଧ୍ୟରେ ଅନେକ ସେଲିବ୍ରିଟି କୋରୋନା ସଂକ୍ରମିତ ହୋଇସାରିଲେଣି । ଏହି କର୍ମରେ ସାମିଲ ଅଛନ୍ତି ଆମୀର ଖାନ, ସୋନୁ ସୁଦ, ଅକ୍ଷୟ କୁମାର, ରଣବୀର କପୁର ଓ ଆଲିୟା ଭଟ୍ଟ ଭଳି କଳାକାର ।
