ମୁମ୍ବାଇ: ପୁଣିଥରେ ବଲିଉଡ ଡ୍ରଗ୍ସ ମାମଲାରେ ଆଉ ଜଣେ ଷ୍ଟାରକିଡଙ୍କ ନାମ ସାମ୍ନାକୁ ଆସିଛି । ଏଥର ଡ୍ରଗ୍ସ ମାମଲାରେ ଅଭିନେତା ଦଲିପ ତାହିଲଙ୍କ ପୁଅ ଧ୍ରୁବଙ୍କୁ ଗିରଫ କରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ।
ନିକଟରେ ଏଜେନ୍ସି ଦ୍ବାରା ଗିରଫ ହୋଇଥିବା ଜଣେ ଡ୍ରଗ୍ସ ବେପାରୀ ସହିତ ତାଙ୍କର ହ୍ବାଟ୍ସଅପ୍ ବାର୍ତ୍ତାଳାପ ପାଇବା ପରେ ଧ୍ରୁବଙ୍କୁ କ୍ରାଇମ୍ ଶାଖାର ଆଣ୍ଟି-ନାର୍କୋଟିକ୍ସ ସେଲ୍ ଦ୍ବାରା ପଚରାଉଚରା କରାଯାଇଥିଲା।
ବାନ୍ଦ୍ରା ୟୁନିଟ୍ ଆଣ୍ଟି-ନାର୍କୋଟିକ୍ସ ସେଲ୍ ଅନୁଯାୟୀ, ଏପ୍ରିଲ 20ରେ ପୋଲିସ ଡ୍ରଗ୍ସ ବେପାରୀ ମୁଜାମିଲ ଆର୍ ଶେଖଙ୍କୁ ଗିରଫ କରାଯାଇଥିଲା ଏବଂ ତାଙ୍କଠାରୁ 35 ଗ୍ରାମ ମେଫେଡ୍ରୋନ ଜବତ ହୋଇଥିଲା। ସେହିପରି ତାଙ୍କ ମୋବାଇଲ ଫୋନ୍ ରେକର୍ଡର ଅଧିକ ଅନୁସନ୍ଧାନ ପରେ ପୋଲିସ ଜାଣିବାକୁ ପାଇଲା ଯେ ଧ୍ରୁବ ହ୍ବାଟ୍ସଅପ୍ ଜରିଆରେ ତାଙ୍କ ଠାରୁ ଅନେକ ଥର ନିଶା ଦ୍ରବ୍ୟ କିଣିଥିଲେ ।
ପ୍ରକାଶ ଥାଉକି ଗତ ବର୍ଷ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠୁ ବଲିଉଡ ଡ୍ରଗ୍ସ କେସର ଯାଞ୍ଚ କ୍ରମାଗତ ଭାବେ କରିଆସୁଛି ଏନସିବି । ଏଯାବତ ଏହି ମାମଲାରେ ଅନେକ ଲୋକଙ୍କ ନାମ ସାମ୍ନାକୁ ଆସିସାରିଲାଣି ।
