ହାଇଦ୍ରାବାଦ: ମଲାଇକାଙ୍କ ପ୍ରେମରେ ପାଗଳ ଅର୍ଜୁନ କପୁର ପାଳନ କରୁଛନ୍ତି 34ତମ ଜନ୍ମଦିନ । ନ୍ୟୁୟର୍କରେ ମଲାଇକାଙ୍କ ସହ ଜନ୍ମଦିନ ପାଳନ କରୁଛନ୍ତି ଅର୍ଜୁନ । ତେବେ 45 ବର୍ଷିୟ ମଲାଇକା ଅର୍ଜୁନଙ୍କ ସହ ନିଜ ରିଲେସନସିପକୁ ଅଫିସିଆଲି ଘୋଷଣା କରିସାରିଛନ୍ତି ।
ତେବେ ଏକ ସାକ୍ଷାତକାରରେ ମଲାଇକା ଓ ତାଙ୍କ ଭିତରେ ଥିବା ବୟସ ସାମଞ୍ଜସ୍ୟକୁ ନେଇ ଉଠାଯାଉଥିବା ପ୍ରଶ୍ନ ବିଷୟରେ ଅର୍ଜୁନ କହିଥିଲେ, ତାଙ୍କୁ ଏସବୁରୁ କିଛି ଫରକ ପଡେନି । ତେବେ ଟ୍ରୋଲକୁ ନେଇ କୌଣସି ପ୍ରକାର କ୍ଲିନ ଚିଟ ଦେବାକୁ ଚାହୁଁନାହାଁନ୍ତି ।
ତେବେ ଅର୍ଜୁନ କପୁର, ବୋନୀ କପୁରଙ୍କ ପ୍ରଥମ ପତ୍ନୀ ମୋନା କପୁରଙ୍କ ପୁଅ । ଅର୍ଜୁନ ଓ ମଲାଇକାଙ୍କ ସମ୍ପର୍କକୁ ନେଇ ପ୍ରଥମେ ଖୁସି ନଥିଲେ ବୋନୀ ମାତ୍ର ପରେ ପୁଅ ଜିଦି ଆଗରେ ଶେଷରେ ରାଜି ହୋଇଥିଲେ । ତେବେ ପରିବାରର ଅନେକ ସଦସ୍ୟ ତାଙ୍କ ରିଲେସନର ସପୋର୍ଟରେ ଅଛନ୍ତି । ପ୍ରକାଶଥାଉକି, ଅର୍ଜୁନ କପୁର ଆଗକୁ ଫିଲ୍ମ ‘ପାନୀପତ’ରେ ନଜର ଆସିବେ ।
