ମୁମ୍ବାଇ: ବଲିଉଡର ଫେମସ ଦମ୍ପତି ବିପାଶା ବସୁ ଏବଂ କରଣ ସିଂ ଗ୍ରୋଭର ପୁଣିଥରେ ପରଦାରେ ଏକାଠି ନଜର ଆସିବେ । ଏହି ଦୁଇଜଣଙ୍କୁ ଥ୍ରିଲର ଫିଲ୍ମ 'ଡେନଜରସ୍'ରେ ଏକାଠି ଦେଖିବାକୁ ମିଳିବ ।
- " class="align-text-top noRightClick twitterSection" data="">
ବିପାଶା କହିଛନ୍ତି, ପ୍ରଶଂସକମାନେ ମୋତେ ଏବଂ କରଣଙ୍କୁ ପୁଣି ଥରେ ପରଦାରେ ଦେଖିବାକୁ ଚାହୁଁଥିଲେ । ଫିଲ୍ମ 'ଡେନଜରସ୍' ର ସ୍କ୍ରିପ୍ଟ ମୋତେ ପ୍ରକୃତରେ ବହୁତ ଆକର୍ଷିତ କରିଥିଲା । ତେଣୁ ମୁଁ ଏଥିରେ କାମ କରିବାକୁ ରାଜି ହେଲି ।
2015 ମସିହାରେ, ଏହି ଯୋଜି ପ୍ରଥମ ଥର ପାଇଁ ଚଳଚ୍ଚିତ୍ର 'ଏଲୋନ'ରେ ଏକାଠି ନଜର ଆସିଥିଲେ ।
ଚଳଚ୍ଚିତ୍ର 'ଡେନଜରସ୍' ବିକ୍ରମ ଭଟ୍ଟଙ୍କ ଦ୍ୱାରା ଲିଖିତ ଏବଂ ଭୂଷଣ ପଟେଲ ନିର୍ଦ୍ଦେଶନା ଦେଇଛନ୍ତି । ସୁୟଶ ରାୟ, ନତାଶା ସୌରୀ, ସୋନାଲି ରାଉତ ଏବଂ ନିତିନ ଆରୋରାଙ୍କ ପରି ଅଭିନେତାମାନଙ୍କ ସହିତ ସୁସଜ୍ଜିତ ଏହି ଫିଲ୍ମ 14 ଅଗଷ୍ଟ ଓଟିଟି ପ୍ଲାଟଫର୍ମ ଏମ ଏକ୍ସ ପ୍ଲେୟାରରେ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
