ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ ସିଜନ 13 ଫିନାଲେକୁ ଆଉ ମାତ୍ର 3 ଦିନ ବାକି ଅଛି । ପ୍ରତିଯୋଗୀଙ୍କ ସହ ଦର୍ଶକଙ୍କ ଏକ୍ଟାଇଟମେଣ୍ଟ ମଧ୍ୟ ଧିରେ ଧିରେ ବଢିଚାଲିଛି । ବର୍ତ୍ତମାନ ଶୋରେ ଖୁବ୍ ଟ୍ବିଷ୍ଟ ଦେଖିବାକୁ ମିଳୁଛି । ଇତିମଧୟରେ ଗ୍ରାଣ୍ଡ ଫିନାଲେର ଟ୍ରଫିର ଝଲକ ଦେଖିବାକୁ ପାଇଛନ୍ତି ଦର୍ଶକ ।
ବିଗ ବସର ଫ୍ୟାନ କ୍ଲବରେ ପେଜରେ ଏବର୍ଷର ଟ୍ରଫିର ଫଟୋ ସେୟାର କରାଯାଇଛି । ଯାହା ଖୁବ୍ ଗ୍ଲିଟରି ନଜର ଆସୁଛି । ଶୋକୁ ନେଇ କଳ୍ପନାଜଳ୍ପନା ଚାଲିଛି ଯେ ଟପ ପ୍ରତିଯୋଗୀଙ୍କ ମଧ୍ୟରେ ଫେମସ ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା, ସେହନାଜ ଗିଲ, ଅସୀମ ରିୟାଜ ଓ ହିମାଂଶୀ ଖୁରାନା ଶୋର ଫିନାଲେ ପର୍ଯ୍ୟନ୍ତ ଯାଇପାରିବେ ।
ସେପଟେ ଶୋର ହୋଷ୍ଟ ତଥା ସୁପରଷ୍ଟାର ସଲମାନ ଖାନଙ୍କ ବଡିଗାର୍ଡ ସେରା ଶୋର ପ୍ରତିଯୋଗୀଙ୍କୁ ନେଇ ନିଜ ପ୍ରତିକ୍ରିୟା ଦେଇଛନ୍ତି । ତାଙ୍କ ଫେଭରେଟ ପ୍ରତିଯୋଗୀ ସିଦ୍ଧାର୍ଥ । ସେ ଚାହୁଁଛନ୍ତି ଏଥର ବିଗ ବସ ଟ୍ରଫି ସିଦ୍ଧାର୍ଥ ହିଁ ଜିତନ୍ତୁ ।
ପ୍ରକାଶ ଥାଉକି ପାଖାପାଖି 4 ମାସରୁ ପ୍ରସାରିତ ହେଉଥିବା ବିଗ ବସ 13ରେ ଏଯାବତ 7 ପ୍ରତିଯୋଗୀ ଅଛନ୍ତି । ଏହି କ୍ରମରେ ସିଦ୍ଧାର୍ଥ, ରଶ୍ମୀ ଦେସାଇ, ସେହନାଜ, ଆରତୀ ସିଂ, ପାରସ ଛାବଡା, ମାହିରା ଶର୍ମା ଓ ଅସୀମ ସାମିଲ ଅଛନ୍ତି । ଆସନ୍ତା 15 ତାରିଖରେ ବିଗ ବସର ଗ୍ରାଣ୍ଡ ଫିନାଲେ ଏପିସୋଡ ପ୍ରସାରିତ ହେବ।
