ହାଇଦ୍ରାବାଦ: ନୂଆ ରୁପରେ ଆରମ୍ଭ ହେବ ବିଗବସର 13ତମ ସିଜିନ । 100ଦିନ ଯାଏଁ ଗୋଟିଏ ଘରେ ରହିବେ 11ଜଣ ସେଲିବ୍ରିଟି । 4 ସପ୍ତାହରେ ଫାଇନାଲ ସହ ନୂଆ ଟ୍ବିଷ୍ଟ ନେଇ ଆସିବେ ସଲମାନ ଖାନ ଆଉ ତାଙ୍କର ସାଥ୍ ଦେବେ ଅଭିନେତ୍ରୀ ଅମିଶା ପଟେଲ ।
ଏଥରକ ସଲମାନ ଏକା ନୁହେଁ ବରଂ ଅମିଶାଙ୍କ ସହ କରିବେ ଶୋ'କୁ ହୋଷ୍ଟ । ସୋମବାର ମୁମ୍ବାଇ ମେଟ୍ରୋରେ ପ୍ରମୋଶନ କାର୍ଯ୍ୟକ୍ରମରେ ଅମିଶା ପଟେଲଙ୍କୁ ସ୍ବାଗତ ଜଣାଇଛନ୍ତି ସଲମାନ । ଶୋ'ର ପ୍ରମୋ ରିଲିଜ ହେବା ସହ ବିଗବସ୍ ହାଉସର ଲୁକ ସାମ୍ନାକୁ ଆସିଥିବା ବେଳେ ଏଯାଏଁ ପ୍ରତିଯୋଗୀଙ୍କ ନାମ ଘୋଷଣା କରାଯାଇନାହିଁ ।
ପ୍ରତିଯୋଗୀଙ୍କ ବିଷୟରେ ଜାଣିବା ପାଇଁ ସମସ୍ତେ ଅପେକ୍ଷା କରିଥିବା ବେଳେ ଦୁଇଜଣ ଯଥା ଦେବୋଲିନା ଭଟ୍ଟାଚାର୍ଯ୍ୟ ଓ ସିଦ୍ଧାର୍ଥ ଶୁକ୍ଳାଙ୍କ ନାମକୁ ଘୋଷଣା କରାଯାଇଛି । ରଶ୍ମୀ ଦେଶାଇ, ଅରହାନ ଖାନ୍, ଦିଲଜିତ କୌର, ଶିବାନି ନାରଙ୍ଗ, ବିବିୟନ ଡିସେନା, ଆରତୀ ସିଂହ, ପାରସ ଛାବଡ୍ ଭଳି ସେଲିବ୍ରିଟି ଶୋ'ରେ ଯୋଗ ଦେଇପାରନ୍ତି ବୋଲି ଚର୍ଚ୍ଚା ଚାଲିଛି ।
