ମୁମ୍ବାଇ: 2013ରେ ସୁପରହିଟ୍ ଫିଲ୍ମ ‘ଆଶିକି’ ସିକ୍ବେଲ ଆସିବା ପରେ ‘ଆଶିକ 3’କୁ ନେଇ ଚର୍ଚ୍ଚା । ଫିଲ୍ମ ସିକ୍ବେଲ ପାଇଁ 2016ରେ ଗ୍ରୀନ ସିଗନାଲ ମଧ୍ୟ ମିଳିଥିଲା । ହେଲେ ଏଯାବତ ଫିଲ୍ମର ସୁଟିଂ ଆରମ୍ଭ ହୋଇନାହିଁ । ଇତିମଧ୍ୟରେ ଆଉ ଏକ ରୋମାଣ୍ଟିକ ଫିଲ୍ମକୁ ନେଇ ଚର୍ଚ୍ଚା ଜୋର ଧରିଛି।
ଆଜ୍ଞା ହଁ, ନିର୍ମାତା ଭୂଷଣ କୁମାର ଖୁଲାସା କରିଛନ୍ତି ଯେ 1991ରେ ରିଲିଜ ହୋଇଥିବା ସୁପରହିଟ୍ ଫିଲ୍ମ ‘ଦିଲ ହେ କି ମାନତା ନେହିଁ’ ସିକ୍ବେଲ ଖୁବଶୀଘ୍ର ଆଣିବେ। ଆମୀର ଖାନ ଓ ପୂଜା ଭଟ୍ଟଙ୍କ ଅଭିନୀତ ଏହି ଫିଲ୍ମର ସିକ୍ବେଲ ନିର୍ମାଣ କରିବାକୁ ସେ ବର୍ତ୍ତମାନ ଯୋଜନା ଚଲାଇଛନ୍ତି।
ପ୍ରକାଶ ଥାଉକି ‘ଦିଲ ହେ କି ମାନତା ନେହିଁ’ ଏକ ରୋମାଣ୍ଟିକ, କମେଡି ଡ୍ରାମା ଫିଲ୍ମ । ଯାହା ବକ୍ସ ଅଫିସରେ ଜବରଦସ୍ତ ପ୍ରଦର୍ଶନ କରିଥିଲା । ଏହି ଫିଲ୍ମର ଗୀତ ଗୁଡିକ ‘ଆଶିକି’ ଫିଲ୍ମ ଗୀତ ଭଳି ସୁପରଡୁପର ହିଟ୍ ସାବ୍ୟସ୍ତ ମଧ୍ୟ ହୋଇଥିଲା ।
