ମୁମ୍ବାଇ: ଖୁବ୍ କମ ସମୟରେ ଦର୍ଶକଙ୍କ ମନ କିଣିବାରେ ସଫଳ ହୋଇଛନ୍ତି କ୍ୟୁଟ ଅଭିନେତା କାର୍ତ୍ତିକ ଆର୍ୟନ । ବର୍ତ୍ତମାନ ତାଙ୍କ ଫ୍ୟାନ୍ସ ସଂଖ୍ୟା ଆକାଶଛୁଆଁ। ତାଙ୍କ ଫ୍ୟାନ୍ସ ତାଲିକାରେ ସବୁଠାରୁ ଅଧିକା ଫିମେଲ ଫ୍ୟାନ୍ସ । ଏହାସହ ଲାଇମ୍ ଲାଇଟରେ ତାଙ୍କର ଓ ସାରା ଅଲ୍ଲୀ ଖାନଙ୍କ ରିଲେସନଶିପର ଚର୍ଚ୍ଚା ମଧ୍ୟ ଜୋର ଧରିଛି। ନିକଟରେ ଏହି ଦୁଇ ଜଣ ଇମତିଆଜ ଅଲ୍ଲୀ ଖାନଙ୍କ ବହୁ ଚର୍ଚ୍ଚିତ ଫିଲ୍ମ ‘ଲଭ ଆଜ କଲ’ର ସିକ୍ବେଲ ଫିଲ୍ମ ‘ଆଜକଲ’ର ସୁଟିଂ ଶେଷ କରିଥିଲେ।
ଆଉ ଏବେ ଲକ୍ଷ୍ନୌରେ କାର୍ତ୍ତିକ ନିଜର ଆଗାମୀ ଫିଲ୍ମ ‘ପତି ପତ୍ନୀ ଔର ୱୋ’ର ସୁଟିଂରେ ବ୍ୟସ୍ତ। ଫିଲ୍ମରେ ତାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଦୁଇ ସୁନ୍ଦରୀ ଅଭିନେତ୍ରୀ ଭୂମି ପେଡେନକର ଓ ଅନନ୍ୟା ପାଣ୍ଡେ । ପ୍ରାୟତଃ ଫିଲ୍ମ ସେଟରୁ ସୋସିଆଲ ମିଡିଆରେ ଅନେକ ଫଟୋ ଦେଖିବାକୁ ମିଳୁଛି।
ଇତି ମଧ୍ୟରେ କାର୍ତ୍ତିକଙ୍କ ପାଇଁ ଭୂମି ଫିଲ୍ମ ସେଟକୁ ପିଜା ପଠାଇଥିଲେ । ଆଉ ପିଜା ଖୁବ୍ ମସ୍ତିରେ ଖାଉଥିବାର ନଜର ଆସୁଛନ୍ତି କାର୍ତ୍ତିକ। ଯାହାର ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି କାର୍ତ୍ତିକ । ଫଟୋରେ କାର୍ତ୍ତିକଙ୍କ ନୂଆ ଅବତାର ଦେଖିବାକୁ ମିଳୁଛି । ନିଶ ରଖି ପୁଣି ଫେମଲ ଫ୍ୟାନ୍ସଙ୍କ ମନ ଚୋରି କରିଛନ୍ତି କାର୍ତ୍ତିକ। ଆପଣ ମଧ୍ୟ ଦେଖନ୍ତୁ ଫଟୋ ...
- " class="align-text-top noRightClick twitterSection" data="
">
