ମୁମ୍ବାଇ: ଗୁରୁବାର ଆୟୁଷ୍ମାନ ଖୁରାନା ଓ ଭୂମି ପେଡନେକରଙ୍କ ଚର୍ଚ୍ଚିତ ଫିଲ୍ମ ‘ଦମ ଲଗା କେ ହଇଶା’କୁ 5 ବର୍ଷ ପୂରଣ ହୋଇଯାଇଛି । ଏହି ଅବସରରେ ଦୁଇଜଣ ସୋସିଆଲ ମିଡିଆରେ ଫିଲ୍ମକୁ ନେଇ ନିଜ ଖୁସି ପ୍ରକାଶ କରିଛନ୍ତି । ଆୟୁଷ୍ମାନ ଇନଷ୍ଟାଗ୍ରାମରେ ଲେଖିଛନ୍ତି, ‘ଦମ ଲଗା କେ ହଇଶାକୁ 5 ବର୍ଷ ପୂରଣ ହୋଇଛି । ମୋର ଖାସ୍ ଫିଲ୍ମ ମଧ୍ୟରୁ ଏହା ଅନ୍ୟତମ ।’
ଅନ୍ୟପଟେ ଭୂମି ମଧ୍ୟ ଇନଷ୍ଟାଗ୍ରାରେ ଲେଖିଛନ୍ତି, ‘ପ୍ରେମ ଜରିଆରେ ମୋ ଲାଇଫ ପରିବର୍ତ୍ତନ କରିବା ପାଇଁ ଧନ୍ୟବାଦ । ମତେ ଏପରି ଫିଲ୍ମରେ ଅଭିନୟ କରିବାକୁ ସୁଯୋଗ ଦେଇଥିବାରୁ ଧନ୍ୟବାଦ । ସର୍ବଦା ଫିଲ୍ମରେ ମୁଁ ମୋ ଭୂମିକାକୁ ମନେ ରଖିବି ।’
ପ୍ରକାଶ ଥାଉକି ଏହି ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ଶାନଦାର ପ୍ରତିକ୍ରିୟା ମିଳିଥିଲା । ସର୍ବଶ୍ରେଷ୍ଠ ଫିଲ୍ମ ଟାଇମ ଏହି ଫିଲ୍ମକୁ ଜାତୀୟ ପୁରସ୍କାର ମଧ୍ୟ ମିଳିଥିଲା । ଆୟୁଷ୍ମାନ ଓ ଭୂମିଙ୍କ ବ୍ୟତୀତ ଫିଲ୍ମରେ ସଞ୍ଜୟ ମିଶ୍ରା ଓ ସୀମା ପାହୱା ଭୂମିକାରେ ନଜର ଆସିଥିଲେ । ସେହିପରି ଫିଲ୍ମର ନିର୍ଦ୍ଦେଶନା, ଲେଖକ ଦାୟିତ୍ବ ତୁଲାଇଥିଲେ ଶରତ କଟାରିୟା । ଫିଲ୍ମଟି 2015 ଫେବୃଆରୀ 27ରେ ରିଲିଜ ହୋଇଥିଲା ।
