ମୁମ୍ବାଇ: ରଙ୍ଗର ଉତ୍ସବ ଆଉ କିଛି ଦିନ ପରେ ଧୁମଧାମରେ ପାଳନ କରିବେ ଦେଶବାସୀ । ସେପଟେ ସେଲିବ୍ରିଟି ମଧ୍ୟ ନିଜ ନିଜ ଘରେ ହୋଲି ପାର୍ଟିର ଆୟୋଜନ କରନ୍ତି । ସେହିପରି ବଲିଉଡ ଫିଲ୍ମରେ ମଧ୍ୟ ହୋଲିର ଝଲକ ଦେଖିବାକୁ ମିଳୁଥିବା ବେଳେ ଭୋଜପୁରୀ ଇଣ୍ଡଷ୍ଟ୍ରିରେ ମଧ୍ୟ ହୋଲି ଉତ୍ସବ ପାଳନ କରାଯାଏ । ହୋଲିକୁ ନେଇ ଅନେକ ଗୀତ ମଧ୍ୟ ନିର୍ମାଣ ହୋଇସାରିଛି । ହେଲେ ଏଥର ଭୋଜପୁରୀ କଳାକାରଙ୍କ ସହ ହୋଲି ଖେଳିବେ ବି-ଟାଉନ ଫେମସ ଆକ୍ଟର ଗୋବିନ୍ଦା । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।
କଥାଟି ହେଲା ଯେ ଭୋଜପୁରୀ ସୁପରଷ୍ଟାର ଦିନେଶ ଲାଲ ଯାଦବ ଫ୍ୟାନ୍ସଙ୍କୁ ସରପ୍ରାଇଜ ଦେବାକୁ ପ୍ରସ୍ତୁତ ଅଛନ୍ତି । ସେ ଭୋଜପୁରୀ ଅଭିନେତ୍ରୀ ଆମ୍ରପାଲି ଓ ଗୋବିନ୍ଦାଙ୍କ ସହ ଏକ ହୋଲି ସ୍ପେଶାଲ ସଙ୍ଗରେ ନଜର ଆସିବେ ।
ଏହାର ସୂଚନା ନିକଟରେ ଦେଇଥିଲେ ସେ । ଏହି ଦୁଇ ଷ୍ଟାରଙ୍କ ସହ ନିଜର ଫଟୋ ପୋଷ୍ଟ କରି ଲେଖିଥିଲେ, ‘ଆମର ଆଦର୍ଶ ଯାହାଙ୍କ ଫିଲ୍ମ ଦେଖି ସବୁ କିଛି ଶିଖିଛି । ଆଜି ସେହି ଗୋବିନ୍ଦାଙ୍କ ସହ ଡାନ୍ସ କରିକି ଧନ୍ୟ ହୋଇଯାଇଛି । ଲଭ ୟୁ ଗୋବିନ୍ଦା ସାର ।’
