ମୁମ୍ବାଇ: ତାପସୀ ପନ୍ନୁ ଓ ଅମିତାଭ ବଚ୍ଚନଙ୍କ ଅନସ୍କ୍ରିନ ଯୋଡିର ଯାଦୁ କେବଳ ଭାରତରେ ନୁହେଁ ବରଂ ବିଦେଶରେ ମଧ୍ୟ ଦେଖିବାକୁ ମିଳିଛି। ଉଭୟଙ୍କ ଅଭିନୀତ ଫିଲ୍ମ 'ବଦଲା' ନିକଟରେ ରିଲିଜ ହୋଇଥିବାବେଳେ ରିଲିଜର ମାତ୍ର 15ଦିନରେ ସାରାଦୁନିଆରେ ରାଜ କରୁଛି ଏହି ଫିଲ୍ମ। ତେବେ ଫିଲ୍ମଟି ଭାରତରେ ଏବେସୁଦ୍ଧା 70କୋଟିର ବ୍ୟବସାୟ କରିଥିବାବେଳେ ଫିଲ୍ମକୁ ନେଇ ସାରାବିଶ୍ବର ମୋଟ ବକ୍ସଅଫିସ କଲେକ୍ସନ ହେଉଛି 110କୋଟି।
ମର୍ଡରକ ମିଷ୍ଟ୍ରିକୁ ନେଇ ଆଧାରିତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ସୁଜୟ ଘୋଷ। ସୁଜୟ ପୂର୍ବରୁ 'କାହାଣୀ', 'କାହାଣୀ2'ଭଳି ସସ୍ପେନ୍ସ ଥ୍ରୀଲରର ନିର୍ଦ୍ଦେଶନା ଦେଇ ଦର୍ଶକଙ୍କୁ ମନ ଜିତିସାରିଛନ୍ତି । ଫିଲ୍ମଟି ଏବେସୁଦ୍ଧା ମୋଟ 110କୋଟି ବ୍ୟବସାୟ କରିବାରେ ସଫଳ ହୋଇଥିବାରୁ ଅଭିନେତ୍ରୀ ତାପସୀ ପନ୍ନୁ ନିଜ ସୋସିଆଲ ମିଡିଆ ଆକାଉଣ୍ଟ ମାଧ୍ୟମରେ ନିଜର ଖୁସି ଜାହିର କରି ଧନ୍ୟବାଦ ଜଣାଇଛନ୍ତି ।
ଫିଲ୍ମ 'ବଦଲା' ଛଡା ବିଗ-ବି ଓ ତାପସୀ ପୂର୍ବରୁ ଫିଲ୍ମ 'ପିଙ୍କ'ରେ ମଧ୍ୟ ଏକାଠି ନଜର ଆସି କମାଲ କରିଥିଲେ। ତେବେ ଉଭୟଙ୍କ ଆଗାମୀ ପ୍ରୋଜେକ୍ଟ ବିଷୟରେ କହିବାକୁ ଗଲେ, ତାପସୀ ଏବେ ଅନୁରାଗ କଶ୍ୟପଙ୍କ ଫିଲ୍ମ ଷାଣ୍ଡ କି ଆଖଁର ସୁଟିଂରେ ବ୍ୟସ୍ତ ଥିବାବେଳେ ବିଗ-ବି ଏବେ ଫିଲ୍ମ 'ବ୍ରହ୍ମାସ୍ତ୍ର'ର ସୁଟିଂରେ ବ୍ୟସ୍ତ।
