ହାଇଦ୍ରାବାଦ: ବଲିଉଡ଼ କୋରିଓଗ୍ରାଫର ତଥା ନିର୍ଦ୍ଦେଶକ ଅହମ୍ମଦ ଖାନ ପତ୍ନୀ ଶାଇରା ଅହମ୍ମଦ ଖାନଙ୍କୁ Batmobile କାର ଗିଫ୍ଟ କରିଛନ୍ତି । ଏହି ଦାମୀ କାରର ମୂଲ୍ୟ ୩ କୋଟି ଟଙ୍କା ବୋଲି ଜଣାପଡ଼ିଛି । ସ୍ବପ୍ନ ପୂରଣ ହେବା ପରେ ପତ୍ନୀ ଶାଇରା ସୋସିଆଲ ମିଡ଼ିଆରେ ଫଟୋ ଓ ଭିଡ଼ିଓ ସେୟାର କରି ନିଜର ଖୁସିବ୍ୟକ୍ତ କରିଛନ୍ତି ।
- " class="align-text-top noRightClick twitterSection" data="
">
ଗତ କିଛି ଦିନ ତଳେ ଶାଇରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏହି ଫଟୋକୁ ସେୟାର କରିଥିଲେ, ଯାହାକି ବର୍ତ୍ତମାନ ଖୁବ ଭାଇରାଲ ହେବାରେ ଲାଗିଛି । ଏହି ପୋଷ୍ଟରେ ଶାଇରା ସ୍ବାମୀ ଅହମ୍ମଦଙ୍କୁ ଧନ୍ୟବାଦ ଜଣାଇବା ସହିତ ତାଙ୍କ ସ୍ବପ୍ନ ପୂରଣ ହୋଇଥିବା କହିଛନ୍ତି । ସ୍ବାମୀଙ୍କ ଏହି ଦାମୀ କାରର ଭିଡ଼ିଓ ମଧ୍ୟ ସେ ସେୟାର କରିଛନ୍ତି । ଶାଇରାଙ୍କ ପୋଷ୍ଟ ଉପରେ ବଲିଉଡ଼ ସେଲିବ୍ସ ଦିଶା ପଟାନି, ଏଲ୍ଲି ଆବ୍ରହମ, ଟାଇଗର ଶ୍ରଫଙ୍କ ମାଆ ଆଇଶା ଶ୍ରଫ ପ୍ରମୁଖ ମଧ୍ୟ ପ୍ରତିକ୍ରିୟା ଦେଇଛନ୍ତି ।
ବାଘି-୩ ଅଭିନେତ୍ରୀ ଦିଶା ପଟାନି ଏଥିରେ କମେଣ୍ଟ ଦେଇ ଲେଖିଛନ୍ତି "Insane" ବା ପାଗଳାମୀ ସଦୃଶ କାର୍ଯ୍ୟ ବୋଲି ମସ୍ତିରେ ଲେଖିଛନ୍ତି । ଶାଇରା ଏଥିରେ ପ୍ରତିଉତ୍ତର ଦେଇ ତାଙ୍କୁ ଧନ୍ୟବାଦ ଜଣାଇଛନ୍ତି । ଶାଇରାଙ୍କ କାରଟି 1989ର Batmanରେ ଆକ୍ଟର ମାଇକେଲ କିଟନଙ୍କ ଚଲାଉଥିବା କାର ସଦୃଶ । ଏଥିରେ ଜେଟ-ଏ-ଫୁଏଲ ଓ କିରୋସିନି ବ୍ୟବହୃତ ହେଉଥିବା ବେଳେ ବହୁତ ଇନ୍ଧନର ଆବଶ୍ୟକ ହୋଇଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
