ମୁମ୍ବାଇ: ବଲିଉଡ ହିଟ ଷ୍ଟାର ବରୁଣ ଧୱନ ଓ ପଟୌଦି ଲାଡଲୀ ସାରା ଅଲ୍ଲୀ ଖାନଙ୍କ ଅଭିନୀତ ସିକ୍ବେଲ ଫିଲ୍ମ ‘କୁଲି ନମ୍ବର-1’ର ନିକଟରେ ସରିଛି ସୁଟିଂ । ଆଉ ଖାସ ସେଥିପାଇଁ ଫିଲ୍ମର ପ୍ରଯୋଜକ ବାସୁ ଭଗନାନୀ ନିକଟରେ ହୋଷ୍ଟ କରିଥିଲେ ରାପ-ଅପ ପାର୍ଟି ।
ତେବେ ପାର୍ଟିରେ ଖାଲି ଫିଲ୍ମର ଷ୍ଟାରକାଷ୍ଟ ନୁହେଁ ବରଂ ବି-ଟାଉନର ଅନେକ ସେଲିବ୍ରିଟୀ ନଜର ଆସିଥିଲେ । ଆଉ ପାର୍ଟିରେ ଆସିଥିବା ଷ୍ଟାରଙ୍କ ଷ୍ଟାଇଲ କଥା ନ କହିବା ଭଲ । କାରଣ ସେଠାରେ କୋଇ କିସି ସେ କମ ନେହିଁ ଥା । ଫିଲ୍ମର ନିର୍ଦ୍ଦେଶକ ତଥା ବରୁଣଙ୍କ ପିତା ଡେଭିଡ ଧୱନ ବି ପତ୍ନୀ କରୁଣାଙ୍କ ସହ ପାର୍ଟିରେ ନଜର ଆସିଥିଲେ ।
ପ୍ରକାଶଥାଉକି, ଗୋବିନ୍ଦା ଓ କରିସ୍ମା କପୁରଙ୍କ ଅଭିନୀତ ଫିଲ୍ମ ‘କୁଲି ନଂ-1’ର ରିମେକ ହେଉଛି ଏହି ଫିଲ୍ମ । ଫିଲ୍ମଟିକୁ ଭ୍ୟୁୟର୍ସ ଖୁବ ପସନ୍ଦ କରିବେ ବୋଲି କହିଛନ୍ତି ଡେଭିଡ ।
