ମୁମ୍ବାଇ: ଏବର୍ଷ ଜାତୀୟ ଫିଲ୍ମ ମହୋତ୍ସବରେ ଟ୍ୟାଲେଣ୍ଟେଡ ଆକ୍ଟର ଆୟୁଷ୍ମାନ ଖୁରାନାଙ୍କ ବହୁ ଚର୍ଚ୍ଚିତ ଫିଲ୍ମ ‘ବଧାଇ ହୋ’କୁ ଜାତୀୟ ଫିଲ୍ମ ପୁରସ୍କାର ମିଳିଛି । ଯାହାକୁ ନେଇ ଖୁବ୍ ଗର୍ବିତ ଆୟୁଷ୍ମାନ । ସେହିପରି ନିକଟରେ ରିଲିଜ ହୋଇଥିବା ତାଙ୍କ ଫିଲ୍ମ ‘ଆର୍ଟିକଲ 15’ ମଧ୍ୟ ଦର୍ଶକଙ୍କ ମନ କିଣିବାରେ ସଫଳ ହୋଇଥିଲା । ଇତିମଧ୍ୟରେ ସେ ପୁଣି ପ୍ରସ୍ତୁତ ହୋଇସାରିଛନ୍ତି ଦର୍ଶକଙ୍କୁ ନିଜର ଭିନ୍ନ ଅଭିୟନ ଦେଖାଇବାକୁ । ନିଜର ଆଗାମୀ ଫିଲ୍ମ‘ଡ୍ରିମ ଗାର୍ଲ’ର ସୁଟିଂରେ ଖୁବ୍ ବ୍ୟସ୍ତ ।
- " class="align-text-top noRightClick twitterSection" data="">
ଯାହାର ମଜାଦାର ଟ୍ରେଲର ସୋମବାର ରିଲିଜ ହୋଇଯାଇଛି । ଏହି ଫିଲ୍ମରେ ତାଙ୍କ ସହ ନଜର ଆସିଛନ୍ତି ‘ସୋନୁ କି ଟିଟୁ କି ସ୍ବିଟି’ ଅଭିନେତ୍ରୀ ନୁସରତ ଭରୁଚା । ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ମେକର୍ସ ଟ୍ରେଲର ରିଲିଜ କରିଦେଇଛନ୍ତି । ଯାହାକୁ ଦେଖି ହସି ହସି ବେହାଲ ହୋଇଯିବେ ଦର୍ଶକ । କାରଣ ସବୁଥର ପରି ଏଥର ମଧ୍ୟ ଆୟୁଷ୍ମାନଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳୁଛି । ଟ୍ରେଲର ରିଲିଜର କିଛି ସମୟ ପୂର୍ବରୁ ଫିଲ୍ମର ଫାଷ୍ଟ ପୋଷ୍ଟର ମଧ୍ୟ ରିଲିଜ ହୋଇଥିଲା ।
ଫିଲ୍ମରେ ମଥୁରା ବାସି ଆୟୁଷ୍ମାନ କେତେ ବେଳେ ସୀତା ହୋଇ ଟଙ୍କା ରୋଜଗାର କରୁଛନ୍ତି ତ କେତେବେଳେ ପାର୍ବତୀ ହୋଇ । ନିର୍ଦ୍ଧିଷ୍ଟ ଚାକିରୀ ନଥିବାରୁ ସେ ସହରକୁ ଯାଇ ଏକ କଲ ସେଷ୍ଟରରେ କାମ କରୁଛନ୍ତି । ଆଉ ନିଜ ସ୍ବରକୁ ପରିବର୍ତ୍ତନ କରି ଅବିକଳ ଝିଅଙ୍କ ଭଳି ସ୍ବର ଭାର କରି ଅନେକ ଲୋକଙ୍କୁ ନିଜର ଦିୱାନା କରୁଥିବାର ଟ୍ରେଲରରେ ନଜର ଆସୁଛନ୍ତି । ଯାହା ଖୁବ୍ ମଜାଦାର ହୋଇଛି । ସବୁଠାରୁ ମଜାଦାର କଥା ହେଲା କି ଝିଅଙ୍କ ଭଳି ଆୟୁଷ୍ମାନ ଫିଲ୍ମରେ ନିଜେ ସ୍ବର ଦେଇଛନ୍ତି । ଯାହା ତାଙ୍କ ପାଇଁ ଏକ ଚ୍ୟାଲେଞ୍ଜପୂର୍ଣ୍ଣ ଥିଲା ।
ପ୍ରକାଶ ଥାଉକି ଆୟୁଷ୍ମାନ ଓ ନୁସରତଙ୍କ ବ୍ୟତୀତ ଫିଲ୍ମରେ ଲୋକପ୍ରିୟ ଅଭିନେତା ଅନୁ କପୁର, ବିଜୟ ରାଜ, ଅଭିଷେକ ବାନାର୍ଜୀ, ମନଜୋତ ସିଂ, ନିଧି ବିଷ୍ଟ ଓ ରାଜେଶ ଶର୍ମା ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ ।
‘ଡ୍ରିମ ଗାର୍ଲ’ର ପ୍ରଯୋଜନା ଦାୟିତ୍ବ ଏକତା କପୁର ସମ୍ଭାଳିଥିବା ବେଳେ ନିର୍ଦ୍ଦେଶନା କରିଛନ୍ତି ରାଜ ସାନ୍ଧଲିଆ । ସେହିପରି ଫିଲ୍ମଟି ସେପ୍ଟେମ୍ବର 13ରେ ରିଲିଜ ହେବାକୁ ଯାଉଛି ।
