ମୁମ୍ବାଇ: ଆୟୁଷ୍ମାନ ଖୁରାନା ଓ ନୁସରତ ଭାରୁଚଙ୍କ ବହୁ ଚର୍ଚ୍ଚିତ ଫିଲ୍ମ ‘ଡ୍ରିମ ଗାର୍ଲ’ ସେପ୍ଟେମ୍ବର 13ରେ ଦର୍ଶକଙ୍କୁ ହସାଇବା ପାଇଁ ପ୍ରସ୍ତୁତ । ଫିଲ୍ମରେ ଆୟୁଷ୍ମାନଙ୍କ ଭିନ୍ନ ଅବତାର ପ୍ରଥମଥର ଦେଖିବେ ଦର୍ଶକ । ଏଥର ଆୟୁଷ୍ମାନ ଝିଅ ହୋଇ ସମସ୍ତଙ୍କ ହୋସ ଉଡାଇବାକୁ ଯାଉଛନ୍ତି । ନିକଟରେ ରିଲିଜ ହୋଇଥିବା ଫିଲ୍ମର ପ୍ରଥମ ଟ୍ରାକ ‘ଦିଲ କା ଟେଲିଫୋନ’ ହିଟ୍ ସାବ୍ୟସ୍ତ ହୋଇଥିଲା । ଆଉ ଏବେ ରିଲିଜ ହୋଇଯାଇଛି ଫିଲ୍ମର ଦମଦାର ଆଇଟମ ଗୀତ ‘ଢାଗାଲା ଲାଗଲି ଗାଢା ପାନି ଥିମ୍ ଥିମ୍ ଗାଢା’ ।
ସେପ୍ଟେମ୍ବର 2ରେ ଏବର୍ଷ ପୁରା ଦେଶ ଗଣେଶ ଚତୁର୍ଥୀ ଖୁବ୍ ଧୁମଧାମ ପାଳନ କରିବ । ତେଣୁ ଦେଶବାସୀଙ୍କ ଗଣେଶ ପୂଜାକୁ ଆହୁରି ଶାନଦାର କରିବା ପାଇଁ ‘ଡ୍ରିମ ଗାର୍ଲ’ ମେକର୍ସ ଫିଲ୍ମର ଏହି ଗୀତଟି ରିଲିଜ କରିଛନ୍ତି।
ସବୁଠାରୁ ମଜାଦାର କଥା ହେଲା କି ଆୟୁଷ୍ମାନ ଓ ନୁସରତଙ୍କ ଡାନ୍ସ ସହ ଦମଦାର ତଡକା ଲାଗଇଛନ୍ତି ଅଭିନେତା ରିତେଶ ଦେଶମୁଖ ।
- " class="align-text-top noRightClick twitterSection" data="">
ଢାଗାଲା ଲାଗଲି ଗାଢା ଗୀତରେ ପ୍ରଥମେ ରିତେଶ ନଜର ଆସୁଛନ୍ତି, ଆଉ ଆୟୁଷ୍ମାନଙ୍କୁ ଏହା କହୁଛନ୍ତି କି ସବୁଥର ହିନ୍ଦୀ ଫିଲ୍ମ ପ୍ରୋମୋଶନ ଗୀତ ପଞ୍ଜାବିରେ ହୋଇଥିବାଏ ଏଥର କିନ୍ତୁ ମରାଠୀରେ କରିବା ।
ଏହି ଜବରଦସ୍ତ ଗୀତକୁ ମିଟ ବୋର୍ସ, ମିକା ସିଂ ଓ ଜୋତିକା ଟାଙ୍ଗରି ଗାଇଥିବା ବେଳେ ମ୍ୟୁଜିକ ମଧ୍ୟ ଦେଇଛନ୍ତି ମିଟ । ସେହିପରି ଗୀତର ଲିରିକ୍ସ ଲେଖିଛନ୍ତି କୁମାର ।
