ନୂଆଦିଲ୍ଲୀ: ଅଭିନେତା ଆୟୁଷ୍ମାନ ଖୁରାନା, ଭୂମି ପେଡେନେକର ଓ ୟାମୀ ଗୌତମଙ୍କ ଅଭିନୀତ ଆଗାମୀ ଫିଲ୍ମ 'ବାଲା'ର ସୁଟିଂ ସୋମବାର ଠାରୁ ଆରମ୍ଭ ହୋଇଯାଇଛି । ଏହି ଅବସରରେ 'ବଧାଇ ହୋ' ଅଭିନେତା ଆୟୁଷ୍ମାନ ନିଜ ଇନଷ୍ଟାଗ୍ରାମରେ ସୁଟିଂ ବିଷୟରେ ଘୋଷଣା କରିଛନ୍ତି । ସେ ଏକ ପୋଷ୍ଟ କରି କ୍ୟାପସନରେ ଲେଖିଛନ୍ତି, "Excitement is in the hair.. err air! The shooting for#Bala begins today!"
ପ୍ରକାଶ ଥାଉକି, ଏହା ପୂର୍ବରୁ ଭୂମି ଓ ଆୟୁଷ୍ମାନ ହିଟ୍ ଫିଲ୍ମ 'ଦମ ଲଗା କେ ହୈୟସା' ଏବଂ 'ଶୁଭ ମଙ୍ଗଲ ସାବଧାନ'ରେ ଏକାଠି କାମ କରିସାରିଛନ୍ତି । 'ବାଲା' ଫିଲ୍ମଟି ଦୁଇ ଜଣଙ୍କ ଥାର୍ଡ ଫିଲ୍ମ ହେବାକୁ ଯାଉଛି ।
ଅନ୍ୟପଟେ ଆୟୁଷ୍ମାନ ଓ ୟାମୀ ମଧ୍ୟ 'ଭିକ୍କୀ ଡୋନର' ଫିଲ୍ମରେ ଏକାଠି ନଜର ଆସିଥିଲେ । ଏହି ଫିଲ୍ମଟି ଦୁଇଜଣଙ୍କ ଡେବ୍ୟୁ ଫିଲ୍ମ ଥିଲା ।
- " class="align-text-top noRightClick twitterSection" data="
">
ଯଦି 'ବାଲା' ଫିଲ୍ମ ବିଷୟରେ କଥା ହେବା ତେବେ ଏହାର ନିର୍ଦ୍ଦେଶନା ଦାୟିତ୍ବ ଅମର କୌଶିକ ତୁଲାଇଥିବା ବେଳେ ପ୍ରଯୋଜନା କରିଛନ୍ତି ଦିନେଶ ଭିଜନ । ଫିଲ୍ମଟି ଏକ କମେଡି ଫିଲ୍ମ ହେବାକୁ ଯାଇଛି । ସେହିପରି ଆୟୁଷ୍ମାନ ଫିଲ୍ମରେ ଜଣେ ଲଣ୍ଡା ବ୍ୟକ୍ତି ଭୂମିକାରେ ଦେଖାଯିବେ । ଅନ୍ୟପଟେ ଭୂମି ଛୋଟ ସହରର ଜଣେ ସାଧାରଣ ଝିଅ ରୂପେ ଅଭିନୟ କରିବେ ।
ଫିଲ୍ମ କ୍ରିଟିକ ତରଣ ଆଦର୍ଶ ଫିଲ୍ମର ଅନ୍ୟ ଷ୍ଟାରକାଷ୍ଟ ବିଷୟରେ ଟ୍ବିଟ ଜରିଆରେ ଦର୍ଶକଙ୍କୁ ଜଣାଇଛନ୍ତି । ସେ ଏକ ପୋଷ୍ଟ କରି କହିଛନ୍ତି ଫିଲ୍ମରେ ସୌରଭ ଶୁକ୍ଲା, ଜାଭେଦ ଜାଫେରୀ ଓ ସୀମା ପହାୱା ମଧ୍ୟ ଭୂମିକାରେ ନଜର ଆସିବେ । ଫିଲ୍ମଟି ଏବର୍ଷ ସେପ୍ଟେମ୍ବରରେ ରିଲିଜ କରାଯିବାର ଯୋଜନା କରିଛନ୍ତି ମେକର୍ସ ।
