ହାଇଦ୍ରାବାଦ: ଲୋକପ୍ରିୟ ମେସେଜିଂ ପ୍ଲାଟଫର୍ମ ହ୍ବାଟ୍ସଆପ୍ ଏକ ନୂଆ ଫିଚର ଉପରେ ପରୀକ୍ଷଣ କରୁଛି । ଏହି ଫିଚର କାର୍ଯ୍ୟକାରୀ ହେଲେ ୟୁଜର ଷ୍ଟିକର କ୍ରିଏଟ ସହିତ ଏହାକୁ ଆପ୍ରେ ନିଜ ବନ୍ଧୁ ପରିଜନଙ୍କ ସହିତ ସେୟାର କରିବାର ସୁବିଧା ପାଇବେ । ୟୁଜରମାନେ ମଜାଦାର ଚାଟିଂ ପାଇଁ ଷ୍ଟିକର ବ୍ୟବହାର କରିଥାନ୍ତି । ନିଜର ଭାବନାକୁ ଶବ୍ଦରେ ପ୍ରକାଶ କରିନପାରିଲେ ଷ୍ଟିକରର ବ୍ୟବହାର କରନ୍ତି । ଏବେ ଆପ୍ ବ୍ୟବହାରକାରୀମାନେ ହ୍ବାଟ୍ସଆପ୍ ଦ୍ବାରା କ୍ରିଏଟ ହୋଇଥିବା ଷ୍ଟିକର ନଚେତ ଥାର୍ଡ ପାର୍ଟି ଷ୍ଟିକର ପ୍ୟାକ୍କୁ ଆପ୍ରେ ବ୍ୟବହାର କରୁଛନ୍ତି ।
WhatsAppର ନୂଆ ଫିଚର:-
- ଏହି ନୂଆ ଫିଚର ୟୁଜରଙ୍କୁ ଆପ୍ରେ ନିଜ ପସନ୍ଦର କୌଣସି ଷ୍ଟିକର କ୍ରିଏଟ କରିବାକୁ ଅନୁମତି ଦେବ ।
- ଏହା ସହିତ କୌଣସି ଏକ ଷ୍ଟିକରକୁ ୟୁଜର ଅନ୍ୟ ୟୁଜରଙ୍କ ସହିତ ସେୟାର ମଧ୍ୟ କରିପାରିବେ ।
- ପୂର୍ବରୁ ଆମେ 'Favourites' ଫିଚର ମାଧ୍ୟମରେ ବନ୍ଧୁଙ୍କ ଦ୍ବାରା ପଠାଯାଇଥିବା ଷ୍ଟିକରକୁ ନିଜ ପାଖରେ ସେଭ୍ କରି ରଖିପାରୁଥିଲେ ।
- ରିପୋର୍ଟ ଅନୁସାରେ ଏହି ନୂଆ ଫିଚର Android 2.24.25.2 ଅପଡେଟ୍ ୟୁଜରଙ୍କ ଲାଗି ଲାଗୁ କରାଯାଇଛି ।
- ଏହି ଫିଚର ଦ୍ବାରା ଯୁଜର ନିଜର କଷ୍ଟମାଇଜ୍ ଷ୍ଟିକରକୁ ଚାଟିଂ ସମୟରେ ବ୍ୟବହାର କରିପାରିବେ । ଏହି ଷ୍ଟିକର ପୂର୍ବରୁ ହ୍ବାଟ୍ସଆପ୍ରେ ଉପଲବ୍ଧ ନଥିବ ।
| ଏହା ବି ପଢନ୍ତୁ |
କେମିତି କାମ କରିବ ଏହି ଫିଚର ?
- ନୂଆ ଫିଚର ଲାଗୁ ହେବା ପରେ, ୟୁଜର ଯେକୌଣସି ଚାଟ୍ରେ ଷ୍ଟିକର ପ୍ୟାକ୍କୁ ଖୋଲିବେ ।
- ଏହାପରେ ପ୍ରତିଟି ଷ୍ଟିକର ପ୍ୟାକ୍ ପାଇଁ ଥିବା ଥ୍ରି-ଡଟ୍ ମେନ୍ୟୁ ଅପସନକୁ ଖୋଜିବେ ।
- ଏହି Menu ୟୁଜରଙ୍କୁ ଉକ୍ତ ଷ୍ଟିକର ପ୍ୟାକ୍କୁ ସେୟାର କରିବାକୁ ଅନୁମତି ଦେବ ନଚେତ ଆପଣ ନିଜ କଲେକ୍ସନରୁ ଏହାକୁ ହଟାଇପାରିବେ ।
କିପରି ଲାଭଦାୟକ ଏହି ଫିଚର ?
ଏହି ଫିଚର ଆସିବା ପରେ ସମ୍ପୂର୍ଣ୍ଣ ଷ୍ଟିକର ପ୍ୟାକ୍କୁ ସେୟାର କରିବା ପ୍ରକ୍ରିୟା ସହଜ ହୋଇଯିବ । ୟୁଜରଙ୍କୁ ଅଲଗା ଅଲଗା ଷ୍ଟିକର ପଠାଇବାକୁ ପଡ଼ିବ ନାହିଁ । ଯାହାକି ସମୟ ସାପେକ୍ଷ ହୋଇଥିବା ବେଳେ ବିରକ୍ତିଭାବ ମଧ୍ୟ ଆସିଥାଏ । ଏହି ଫିଚର ଆରମ୍ଭ ହେବା ପରେ ଯୁଜର ଥରକରେ ପୁରା ଷ୍ଟିକର କଲେକ୍ସନକୁ ପଠାଇପାରିବେ । ଏହାପରେ ରିସିଭର୍ ମଧ୍ୟ ଗୋଟିଏ କ୍ଲିକରେ ସମସ୍ତ ଷ୍ଟିକର ପ୍ୟାକ୍କୁ ସେଭ୍ କରି ରଖିପାରିବ । ଭିନ୍ନ ଭିନ୍ନ ପ୍ରକାର ଷ୍ଟିକର ସଂଗ୍ରହ ପରେ ବନ୍ଧୁ ପରିଜନଙ୍କ ସହିତ ବାର୍ତ୍ତାଳାପ କରିବା ଆହୁରି ମଜାଦାର ହେବ ।
