ନୂଆଦିଲ୍ଲୀ: ଅଭିନେତା ଆୟୁଷ୍ମାନ ଖୁରାନା ତାଙ୍କର 'ବଧାଇ ହୋ'ର କୋ-ଷ୍ଟାର ସୁରେଖା ସିକ୍ରିଙ୍କ ସହ ଏକ ଫଟୋ ସେୟାର କରି ତାଙ୍କର ଆରୋଗ୍ୟ କାମନା କରିଛନ୍ତି ।
ମଙ୍ଗଳବାର ଭେଟେରାନ ଟେଲିଭିଜନ ତଥା ବଲିଉଡ ଅଭିନେତ୍ରୀ ସୁରେଖା ସିକ୍ରିଙ୍କୁ ବ୍ରେନ ଷ୍ଟ୍ରୋକ ଆସିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ଅବସରରେ ବହୁ ପ୍ରଶଂସକମାନେ ସୋସିଆଲ ମିଡିଆ ମାଧ୍ୟମରେ ତାଙ୍କର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି ।
ନିକଟରେ, ସୁରେଖାଙ୍କର ସହିତ ଆୟୁଷ୍ମାନ ସୋସିଆଲ ମିଡିଆରେ ଏକ ଫଟୋ ସେୟାର କରି ଏକ ହୃଦୟସ୍ପର୍ଶୀ ପୋଷ୍ଟ ଲେଖିଛନ୍ତି, “ତୁମର ଆରୋଗ୍ୟ କାମନା କରୁଛି ମାଆ । ମୁଁ ସବୁବେଳେ ତୁମ ସହିତ ଅଛି ।
ଏହି ସମୟରେ ସୁରେଖାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା କଥା ବିବେକ ସିଦ୍ଧୱାନୀ କହିଛନ୍ତି ।
ସୁରେଖା"ତମାସ୍", "ମାମୋ" ଏବଂ "ବଧାଇ ହୋ" ଚଳଚ୍ଚିତ୍ରରେ ତାଙ୍କ ଭୂମିକା ପାଇଁ ଜାତୀୟ ପୁରସ୍କାର ଜିତିଥିଲେ ।
