ହାଇଦ୍ରାବାଦ: ବଲିଉଡର ଜଣାଶୁଣା ଅଭିନେତା ଜନ୍ ଆବ୍ରାହମ୍ ଏହି ସମୟରେ ପ୍ରଶଂସକଙ୍କ ସହିତ ନିର୍ମାତାଙ୍କର ବି ପ୍ରଥମ ପସନ୍ଦ ହୋଇଯାଇଛନ୍ତି । ଜନ୍ ଆବ୍ରାହମ୍ ତାଙ୍କର ଆଗାମୀ ଚଳଚ୍ଚିତ୍ର 'ଆଟାକ୍ ପାର୍ଟ -1' (Attack) ପାଇଁ ଚର୍ଚ୍ଚାରେ ଅଛନ୍ତି । ଏଥି ସହିତ ବର୍ତ୍ତମାନ ନିର୍ମାତାମାନେ ଫିଲ୍ମର ଟ୍ରେଲର ରିଲିଜ୍ କରିଛନ୍ତି, ଯାହାପରେ ଦର୍ଶକଙ୍କଠାରୁ ଲଗାତାର ପ୍ରତିକ୍ରିୟା ଆସିବାରେ ଲାଗିଛି ।
- " class="align-text-top noRightClick twitterSection" data="">
ଫିଲ୍ମରେ ଜନ୍ଙ୍କ ବ୍ୟତୀତ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ୍ ଏବଂ ରକୁଲ ପ୍ରୀତ ସିଂ ମଧ୍ୟ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ। ଫିଲ୍ମର ଟ୍ରେଲର ଆଜି ଅର୍ଥାତ୍ ସୋମବାର ରିଲିଜ୍ ହୋଇଛି । ଆଟାକର ପ୍ରଥମ ଭାଗ 2022 ଏପ୍ରିଲ୍ 1ରେ ହଲକୁ ଆସିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଲକ୍ଷ୍ମୀ ରାଜ ଆନନ୍ଦ।
ଫିଲ୍ମରେ ଜନଙ୍କ ଲୁକ୍କୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି । ଟ୍ରେଲରରେ ଦେଖିବା ପରେ ଦର୍ଶକ ଅନୁମାନ କରିପାରୁଥିବେ ଜନଙ୍କ ଖତରନାକ ଆକ୍ସନ ଏବଂ ଜବରଦସ୍ତ ଷ୍ଟଣ୍ଟ ଫିଲ୍ମରେ ପରିପୂର୍ଣ୍ଣ । ଏହି ଚଳଚ୍ଚିତ୍ରରେ ଜନଙ୍କୁ ଜଣେ ସୈନିକ ରୂପରେ ପ୍ରସ୍ତୁତ କରାଯାଇଛି । ଟ୍ରେଲର ସାମ୍ନାକୁ ଆସିବା ଦିନଠାରୁ ୟୁଜର୍ସ ଫିଲ୍ମ ଦେଖିବା ପାଇଁ ଅପେକ୍ଷା କରି ରହିଛନ୍ତି ।
ଜନଙ୍କ ଓ୍ବାର୍କ ଫ୍ରଣ୍ଟ କଥା ହେବା ତ, ତାଙ୍କୁ ଶେଷ ଥର ପାଇଁ 'ସତ୍ୟମେବ ଜୟତେ 2' (Satyameva Jayate 2)ରେ ଦେଖିବାକୁ ମିଳିଥିଲା, ଯାହା ଫ୍ଲପ୍ ବୋଲି ପ୍ରମାଣିତ ହୋଇଥିଲା । ଏହା ବ୍ୟତୀତ ଜନ୍ ବର୍ତ୍ତମାନ 'ପଠାନ୍' ଚଳଚ୍ଚିତ୍ରର ସୁଟିଂରେ ବ୍ୟସ୍ତ ଅଛନ୍ତି। ଜନ୍ ଅବ୍ରହାମଙ୍କ ସହ ଶାହରୁଖ ଖାନ ଏବଂ ଦୀପିକା ପାଦୁକୋନ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି 25 ଜାନୁୟାରୀ 2023 ରେ ମୁକ୍ତିଲାଭ କରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
