ମୁମ୍ବାଇ: ବର୍ତ୍ତମାନ ବଲିଉଡରେ ରିମେକ ଯୁଗ ଚାଲିଛି । ଅନେକ ପୁରୁଣା ଫିଲ୍ମର ରିମେକ ଦେଖିସାରିଲେଣି ଦର୍ଶକ । ଏବେ ପୁଣି ଦର୍ଶକ ଦେଖିବାକୁ ଯାଉଛନ୍ତି ସାଉଥ ସୁପରହିଟ୍ ହରର ଫିଲ୍ମ ‘ଅରୁନ୍ଧତି’ର ହିନ୍ଦୀ ରିମେକ ଫିଲ୍ମ । ଯାହାର ଚର୍ଚ୍ଚା କିଛି ଦିନ ହେବ ଜୋର ଧରିଛି । 2009ରେ ରିଲିଜ ହୋଇଥିବା ଏହି ଫିଲ୍ମକୁ ଦର୍ଶକ ଖୁବ୍ ପସନ୍ଦ କରିଥିଲେ ।
ବର୍ତ୍ତମାନ ଏହାର ହିନ୍ଦୀ ରିମେକ ଫିଲ୍ମର କାଷ୍ଟକୁ ନେଇ ମେକର୍ସ କଥାବାର୍ତ୍ତା ଚଳାଇଛନ୍ତି । କିନ୍ତୁ ଇତିମଧ୍ୟରେ ଶୁଣିବାକୁ ମିଳୁଛି ଯେ ‘ଅରୁନ୍ଧତି’ ରିମେକ ଫିଲ୍ମରେ ବି-ଟାଉନ ବେବୋ କରୀନା କପୁରଙ୍କ ନଜର ଆସିପାରନ୍ତି । ଖାଲି ଏତିକି ନୁହେଁ ଯଦି ଫିଲ୍ମ ପାଇଁ କରୀନା ରାଜି ନହେଉଛନ୍ତି ତେବେ ଅଭିନେତ୍ରୀ ଅନୁଷ୍କା ଶର୍ମାକୁ ମିଳିପାରେ ଫିଲ୍ମ ।
ଲୋକପ୍ରିୟ ନିର୍ଦ୍ଦେଶକ ଏହି ଫିଲ୍ମର ରାଇଟସ ନେଇସାରିଲେଣି । ଫିଲ୍ମରେ କରୀନାଙ୍କୁ ସାମିଲ କରିବାକୁ ସମ୍ପର୍କ ମଧ୍ୟ କରିଛନ୍ତି ମେକର୍ସ । କିନ୍ତୁ ଏଯାବତ କରୀନା କୌଣସି ଜବାବ ଦେଇନାହାଁନ୍ତି । ପ୍ରକାଶ ଥାଉକି କି ଏହି ଫିଲ୍ମଟି 10 ବର୍ଷ ପରେ ହିନ୍ଦୀରେ ନିର୍ମାଣ ହେବାକୁ ଯାଉଛି ।
‘ଅରୁନ୍ଧତି’ ଫିଲ୍ମରେ ଅଭିନୟ କରିଥିଲେ ପପୁଲାର ଅଭିନେତ୍ରୀ ଅନୁଷ୍କା ସେଟ୍ଟୀ । ଏହି ଫିଲ୍ମରେ ନିଜ ପରଫର୍ମ ପାଇଁ ଅନେକ ପୁରସ୍କାର ମଧ୍ୟ ଜିତିସାରିଛନ୍ତି ଅନୁଷ୍କା । ଅନୁଷ୍କାଙ୍କ ବ୍ୟତୀତ ଫିଲ୍ମରେ ସୋନୁ ସୁଦ, ଅର୍ଜୁନ ବାଜୱା ଓ ମନୋରମା ମଧ୍ୟ ନଜର ଅଭିନୟ କରିଥିଲେ ।
ବର୍ତ୍ତମାନ କରୀନାଙ୍କ ପାଖରେ ଦୁଇଟି ବଡ ପ୍ରୋଜେକ୍ଟ ରହିଅଛି । ସେ ଏବର୍ଷ ଅକ୍ଷୟ କୁମାରଙ୍କ ସହ ଫିଲ୍ମ ‘ଗୁଡନ୍ୟୁଜ’ରେ ଅଭିନୟ କରୁଥିବା ବେଳେ ଆସନ୍ତା ବର୍ଷ ପାଇଁ ସେ ଅଭିନେତା ଇରଫାନ ଖାନଙ୍କ କମବ୍ୟାକ ଫିଲ୍ମ ‘ଇଂରାଜୀ ମିଡିୟମ’ରେ ନଜର ଆସିବେ ।
