ମୁମ୍ବାଇ: ଅଭିନେତା ଅର୍ଜୁନ ରାମପାଲ ତୃତୀୟଥର ପିତା ହେବାକୁ ଯାଉଛନ୍ତି । ଗତ ବର୍ଷ ଅର୍ଜୁନ ସାଉଥ ଆଫ୍ରିକା ଗର୍ଲଫ୍ରେଣ୍ଡ ଗାବ୍ରିଏଲାଙ୍କ ସହ ନିଜ ସମ୍ପର୍କ ବିଷୟରେ ଘୋଷଣା କରିଥିଲେ । ଆଉ ଏବେ ସେ ଗାବ୍ରିଏଲାଙ୍କ ଗର୍ଭବତୀ କଥା ଇନଷ୍ଟାଗ୍ରାମରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି । ସେ ଗର୍ଲଫ୍ରେଣ୍ଡ ସହ ଏକ ଫଟୋ ସେୟାର କରି ଏହାର ସୂଚନା ଦେଉଛନ୍ତି । ଫଟୋରେ ଗାବ୍ରିଏଲାଙ୍କ ବେବୀ ବମ୍ପ ଦେଖିବାକୁ ମିଳିଛି ।
- " class="align-text-top noRightClick twitterSection" data="View this post on Instagram
Blessed to have you and start all over again....thank you baby for this baby 👶🏽
">
ଫଟୋ ସହ ଶାନଦାର କ୍ୟାପସନ ମଧ୍ୟ ଦେଇଛନ୍ତି ଅର୍ଜୁନ । ସେ ଲେଖିଛନ୍ତି, "ଥ୍ୟାଙ୍କ ୟୁ ବେବି ଫର ଦିସ ବେବୀ" । ଏହି ଫଟୋରେ ତାଙ୍କର ଅନେକ ସେଲିବ୍ରିଟି ବନ୍ଧୁ ଶୁଭେଚ୍ଛା ଜଣାଇଛନ୍ତି । ଜଣାଇ ଦେଉଛୁ ଯେ ଅର୍ଜୁନ ଗାବ୍ରିଏଲାଙ୍କୁ ଏଯାବତ ବିବାହ କରିନାହିଁନ୍ତି । ଏହା ସତ୍ତ୍ବେ ସେ ପିତା ହେବାକୁ ଯାଉଛନ୍ତି । ଯାହା ଶୁଣି ଆଶ୍ଚର୍ଯ୍ୟ ହୋଇଯାଇଛନ୍ତି ତାଙ୍କ ଫ୍ୟାନ୍ସ ।
ପ୍ରକାଶ ଥାଉକି ଗତ ବର୍ଷ ସେ ନିଜ ପ୍ରଥମ ପତ୍ନୀ ମେହର ଜେସିୟାଙ୍କୁ ଛାଡପତ୍ର ଦେଇଥିଲେ । ସେ ବିବାହର 20 ବର୍ଷ ପରେ ପତ୍ନୀଙ୍କୁ ଛାଡପତ୍ର ଦେଇ ଗାବ୍ରିଏଲାଙ୍କ ସହ ରହୁଛନ୍ତି । ଏହାପରେ ଗାବ୍ରିଏଲାଙ୍କ ସହ ତାଙ୍କ ରିଲେସନଶିପର ଚର୍ଚ୍ଚା ଜୋର ଧରିଥିଲା । ସେ ଦ୍ବିତୀୟ ବିବାହ କେବେ କରିବେ ତାହା ନେଇ ଏଯାବତ ଖୁଲାସା କରିନାହାଁନ୍ତି ।
