ମୁମ୍ବାଇ: ହ୍ୟାଣ୍ଡସମ ଆକ୍ଟର ଅର୍ଜୁନ କପୁର ଓ ସଞ୍ଜୟ ଦତ୍ତଙ୍କ ବହୁପ୍ରତିକ୍ଷିତ ଫିଲ୍ମ ‘ପାନିପଥ’ ଦୀର୍ଘ ସମୟରୁ ଚର୍ଚ୍ଚାରେ । ଟ୍ରେଲର ରିଲିଜ ପରଠୁ ଦର୍ଶକଙ୍କ ଉତ୍ସାହ ବଢିଯାଇଛି । ଇତି ମଧ୍ୟରେ ମେକର୍ସ ଫିଲ୍ମର ନୂଆ ଗୀତ ‘ମନ ମେଁ ଶିବା’ ଲଞ୍ଚ କରିଛନ୍ତି । 3 ମିନିଟ 9 ସେକେଣ୍ଡର ଏହି ଭିଡିଓର ଗୀତକୁ ମ୍ୟୁଜିକ କମ୍ପାନୀର ୟୁଟ୍ୟୁବ ଚ୍ୟାନେଲରେ ଅପଲୋଡ କରାଯାଇଛି । ରିଲିଜର କିଛି ଘଣ୍ଟା ମଧ୍ୟରେ ହଜାରରୁ ଅଧିକ ଦର୍ଶକ ଏହି ଗୀତକୁ ସେୟାର ଏବଂ ଲାଇକ୍ସ କରିଛନ୍ତି । ଗୀତରେ ଅର୍ଜୁନଙ୍କ ସହ କ୍ରିତି ସାନନ ନଜର ଆସୁଛନ୍ତି । ସେହିପରି ଦୁଇଜଣଙ୍କୁ ଟ୍ରାଡିସନାଲ ଅବତାର ଦେଖିବାକୁ ମିଳୁଛି ।
ଗୀତର ଲିରିକ୍ସ ଜାଭେଦ ଅଖତର ଲେଖିଥିବା ବେଳେ ଗୀତକୁ ଗାଇଛନ୍ତି କୁନାଲ ଗାଞ୍ଜାୱାଲା, ଦିପାଂଶୀ ନାଗର ଓ ପଦ୍ମନାଭ ଗାୟକୱାଡ । ସେହିପରି ଗୀତକୁ କମ୍ପୋଜ କରିଛନ୍ତି ଅଜୟ-ଅତୁଲ । ‘ମନ ମେଁ ଶିବା’ର ମରାଠୀ ଲିରିକ୍ସ ଗୁରୁ ତାକହୁର ଲେଖିଛନ୍ତି । ଏହି ଗୀତରେ ଦର୍ଶକ ସକାରତ୍ମକ ପ୍ରତିକ୍ରିୟା ଦେବାରେ ଲାଗିଛନ୍ତି ।
ପ୍ରକାଶ ଥାଉକି ନିର୍ଦ୍ଦେଶକ ଆଶୁତୋଷ ଗୋୱାରିକରଙ୍କ ଏହି ଐତିହାସିକ ଫିଲ୍ମ ପାନିପଥର ତୃତୀୟ କାହାଣୀକୁ ନେଇ ଆଧାରିତ । ଫିଲ୍ମରେ ଲୋକପ୍ରିୟ ଅଭିନେତ୍ରୀ ପଦ୍ମିନୀ କୋଲ୍ହାପୁରୀ ଓ ଜୀନତ ଅମାନ ମଧ୍ୟ ନଜର ଆସିବେ । ଫିଲ୍ମଟି ଆସନ୍ତା ମାସ ଡିସେମ୍ବର 6ରେ ରିଲିଜ ହେବାକୁ ଯାଉଛନ୍ତି ।
