ମୁମ୍ବାଇ: ଅଭିନେତା ଅରବାଜ ଖାନ ଫିଲ୍ମ ଠାରୁ ଅଧିକ ନିଜ ଲଭ ଲାଇଫକୁ ନେଇ ଚର୍ଚ୍ଚାରେ ଥାଆନ୍ତି । ପତ୍ନୀଙ୍କ ଠାରୁ ଛାଡପତ୍ର ନେଇସାରି ଗର୍ଲଫ୍ରେଣ୍ଡ ସହ ସମୟ ବିତାଇବାରେ ବ୍ୟସ୍ତ ଅଛନ୍ତି ଅରବାଜ । ଇତିମଧ୍ୟରେ ସେ ନିଜ ଭାଇ ଅର୍ଥାତ୍ ବି-ଟାଉନର ସୁଲତାନ ସଲମାନ ଖାନଙ୍କୁ ନେଇ ବଡ ଖୁଲାସା କରିଛନ୍ତି ।
ନିକଟରେ ଏକ ସାକ୍ଷାତକାରରେ ସେ କହିଥିଲେ କି ଫିଲ୍ମ ଜଗତରେ ତାଙ୍କୁ ସଲମାନଙ୍କ ପାଇଁ ଭୂମିକା ନୁହେଁ ବରଂ ନିଜ ପରିଶ୍ରମ ପାଇଁ ଫିଲ୍ମ ମିଳିଆସୁଛି । ସେ ଏଯାବତ 70ଟି ଫିଲ୍ମ କରିସାରିଲେଣି । ଇଣ୍ଡଷ୍ଟ୍ରିରେ ଏପିର କଳାକାର ମଧ୍ୟ ଅଛନ୍ତି, ଯାହାଙ୍କୁ ଦୁଇଟି ଫିଲ୍ମ ପରେ ଅଭିନୟ କରିବାକୁ ସୁଯୋଗ ମିଳୁନାହିଁ । ସେ ପାଖାପାଖି ଦୁଇ ଦଶକରୁ ଅଧିକ ସମୟ ଫିଲ୍ମ ଜଗତରେ ଅଛନ୍ତି । ସେ ସଲମାନଙ୍କ ଭାଇ ତେଣୁ ତାଙ୍କୁ କେହି କାମ ଦିଅନ୍ତି ନାହିଁ ।
ହୁଏତଃ ସଲମାନଙ୍କ ପାଇଁ ତାଙ୍କୁ ଗୋଟିଏ କିମ୍ବା ଦୁଇଟି ଫିଲ୍ମ ମିଳିପାରିବ କିନ୍ତୁ କେହି ମଧ୍ୟ ତାଙ୍କ କ୍ୟାରିୟର ତିଆରି କରିପାରିବେ ନାହିଁ । ଏହି ଦିଗରେ ତାଙ୍କୁ ହିଁ କେବଳ କାମ କରିବାକୁ ପଡିବ । ତାଙ୍କୁ ହୁଏତଃ ଭଲ କିମ୍ବା ଖରାପ ଯୋଗ୍ୟତା ପାଇଁ ଏଯାବତ କାମ ମିଳିଆସୁଛି । ସେ ଫିଲ୍ମ ଇଣ୍ଡଷ୍ଟ୍ରିରେ ନିଜ ପାଦରେ ଠିଆ ହୋଇଛନ୍ତି, ଭାଇ ପାଇଁ ନୁହେଁ ।
ସେ 'ପ୍ୟାର କିୟା ତୋ ଡରନା କ୍ୟା', 'ହାଲୋ ବ୍ରଦର', 'କୟାମତ', 'ହଲଚଲ' ଏବଂ 'ସୁଟଆଉଟ ଆଟ୍ ଲୋଖଣ୍ଡୱାଲା' ଭଳି ହିଟ୍ ଫିଲ୍ମ ବଲିଉଡକୁ ଦେଇସାରିଛନ୍ତି ।
