ମୁମ୍ବାଇ: ଯେବେଠୁ ସୁନ୍ଦରୀ ଅନୁଷ୍କା ଶର୍ମା ନିଜ ପ୍ରଥମ ୱେବ ସିରିଜ ପାତାଲ ଲୋକର ଘୋଷଣା କରିଥିଲେ । ସେହି ସମୟରୁ ଦର୍ଶକ ଖୁବ୍ ଉତ୍ସାହିତ ଥିଲେ ଏହାକୁ ଦେଖିବା ପାଇଁ । ଶୁକ୍ରବାର ଦର୍ଶକଙ୍କ ଅପେକ୍ଷାର ଅନ୍ତ ଘଟିଥିଲା । କାରଣ ଆମାଜନ ପ୍ରାଇମ ଭିଡିଓରେ ଏହାର ଷ୍ଟ୍ରିମିଂ ଗତକାଲି(ଶୁକ୍ରବାର)ଠୁ ଆରମ୍ଭ ହୋଇଯାଇଛି । ଆଉ ଷ୍ଟ୍ରିମିଂ ହେବାର କିଛି ଘଣ୍ଟା ମଧ୍ୟରେ ସୋସିଆଲ ମିଡିଆରେ ଏହାର ପ୍ରଶଂସା କରିବାରେ ଲାଗିପଡିଥିଲେ ଦର୍ଶକ । କ୍ରାଇମ, ଫେକ ନ୍ୟୁଜ, ଆତଙ୍କବାଦୀ ଭଳି ବଡ ପ୍ରସଙ୍ଗ ଉପରେ ଆଧାରିତ ଏହି ୱେବ ସିରିଜ । ଦର୍ଶକଙ୍କ ସହ କ୍ରିଟିକ୍ସଙ୍କ ମଧ୍ୟ ମନ କିଣିଛି ପାତାଲ ଲୋକ ।
ଦର୍ଶକଙ୍କ ଦ୍ବାରା ମିଳୁଥିବା ଶାନଦାର ପ୍ରତିକ୍ରିୟାକୁ ନେଇ ଅନୁଷ୍କାଙ୍କ ଖୁସି କହିଲେ ନ ସରେ । ଏହି ଅବସରରେ ପାତାଲ ଲୋକର ଟିମ ଏକ ଭର୍ଚୁଆଲ ପାର୍ଟିର ଆୟୋଜନ କରିଥିଲେ । ଯେଉଁଥିରେ ୱେବ ସିରିଜର ସଫଳତାକୁ ସେଲିବ୍ରେସନ କରାଯାଇଥିଲା ।
ଅନୁଷ୍କା ପାର୍ଟିର ଝଲକ ସୋସିଆଲ ମିଡିଆରେ ସେୟାର କରିଛନ୍ତି । ଆଉ ପାର୍ଟିରେ ଟିମଙ୍କ ସହ ଏନଜୟ କରୁଥିବାର ନଜର ଆସୁଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ବର୍ତ୍ତମାନ ସମୟରେ ସଫଳତା ପାର୍ଟି କିଛି ଏମିତି ଦେଖାଯାଉଛି । ପ୍ରାଇମ ଭିଡିଓରେ ପାତାଳ ଲୋକ ଷ୍ଟ୍ରିମିଂ ଚାଲିଛି । ମୁଁ ଏହି ଶାନଦାର ଟିମ ସହ ଖୁବ୍ ଏନଜୟ କରୁଛି ।’
