ମୁମ୍ବାଇ: ବଲିଉଡର ଏକ ଲମ୍ବା ରାସ୍ତା ଅତିକ୍ରମ କରିଛନ୍ତି ଅଭିନେତା ଅନୁପମ ଖେର । 64 ବର୍ଷ ବୟସରେ ମଧ୍ୟ ସେ ନିଜ ଚମତ୍କାର ଅଭିନୟ ମାଧ୍ୟମରେ ସମସ୍ତଙ୍କୁ ହୃଦୟରେ ରାଜ କରିଆସୁଛନ୍ତି । ଅନ୍ୟ ଅଭିନେତାଙ୍କ ତୁଳନାରେ ସେ ସୋସିଆଲ ମିଡିଆରେ ମଧ୍ୟ ଖୁବ୍ ଆକ୍ଟିଭ ଥାଆନ୍ତି । ଅନୁପମ ଅନେକଥର ନିଜ ଫିଲ୍ମ ସହ ଜଡିତ ପୁରୁଣା ଫୋଟେ ସୋସିଆଲ ମିଡିଆରେ ସେୟାର କରିଥା'ନ୍ତି । ଆଉ ନିକଟରେ ସେମିତି ଏକ ଫଟୋ ସେ ସେୟାର କରିଛନ୍ତି ।
ୟଶ ଚୋପ୍ରା ନିର୍ମିତ ଫିଲ୍ମ 'ବିଜୟ'ର ସୁଂଟି ସମୟର ଏକ ଫଟୋ ସେ ନିଜ ଟ୍ବିଟର ହ୍ୟାଣ୍ଡେଲରେ ସେୟାର କରିଛନ୍ତି । ଏହି ଫଟୋରେ ଅନିଲ କପୁର, ଋଷି କପୁର, ହେମା ମାଳିନୀ, ରାଜେସ ଖନ୍ନା ଏବଂ ମିନାକ୍ଷୀଙ୍କ ସମେତ ଅନେକ କଳାକାର ନଜର ଆସୁଛନ୍ତି । ଫଟୋଟିକୁ ସେୟାର କରିବା ସହିତ ଅନୁପମ ଏହି ଫଟୋ ସହ ଜଡିତ ଅନେକ ଗୁମର ମଧ୍ୟ ଫିଟାଇଛନ୍ତି ।
ଫଟୋଟି ପୋଷ୍ଟ କରିବା ସହ ସେ ଲେଖିଥିଲେ, 'ୟଶ ଚୋପ୍ରାଙ୍କ ଫିଲ୍ମ 'ବିଜୟ'ର ଏହା ଏକ ଗ୍ରୁପ ଫଟୋ । ଏହି ସମୟରେ ମୁଁ 33 ବର୍ଷର ଥିଲି । ଏହି ଫିଲ୍ମରେ ମୁଁ ହେମା ମାଳିନୀଙ୍କ ବାପା, ରାଜେଶ ଖନ୍ନାଙ୍କ ଶ୍ବଶୂର ଏବଂ ଅନିଲ କପୁରଙ୍କ ଦାଦା ଭୂମିକାରେ ଅଭିନୟ କରିଥିଲି' । ଅନୁପମଙ୍କ ଏହି ଟ୍ବିଟରେ ଅନେକ ଲୋକ ନିଜ ପ୍ରତିକ୍ରିୟା ଦେଇଛନ୍ତି ।
'ବିଜୟ' 1988 ମସିହାରେ ରିଲିଜ ହୋଇଥିବା ଏକ ରୋମାଣ୍ଟିକ- ଆକ୍ସନ ଫିଲ୍ମ ଥିଲା । ଏହି ଫିଲ୍ମରେ ପ୍ରସିଦ୍ଧ ଗାୟକ ମୁକେଶଙ୍କ ନାତି ନୀଲ ନିତୀନ ମୁକେଶ ଶିଶୁ କଳାକାର ଭାବେ ଡେବ୍ୟୁ କରିଥିଲେ । ଫିଲ୍ମରେ ସେ ଋଷି କପୁରଙ୍କ ପିଲାଦିନ କ୍ୟାରେକ୍ଟର ପ୍ଲେ କରିଥିଲେ ।
ନିକଟରେ ଅନୁପମଙ୍କ ଫିଲ୍ମ 'ହୋଟେଲ ମୁମ୍ବାଇ' ରିଲିଜ ହୋଇଛି । ଏହି ଫିଲ୍ମ 29 ନଭେମ୍ବରରେ ରିଲିଜ ହୋଇଥିଲା । ଫିଲ୍ମରେ ଅନୁପମ ଏକ ସୈଫର ଭୂମିକାରେ ନଜର ଆସିଥିଲେ ।
