ମୁମ୍ବାଇ: ବିଶିଷ୍ଟ ଅଭିନେତା ଅନୁପମ ଖେର ସବୁବେଳେ ସାମାଜିକ ପ୍ରସଙ୍ଗ ଉପରେ ନିଜ ପ୍ରତିକ୍ରିୟା ରଖୁଥିବାର ନଜର ଆସିଥାନ୍ତି। ସେ ସବୁବେଳେ ବିବାଦୀୟ ବୟାନ ପାଇଁ ଚର୍ଚ୍ଚାରେ ମଧ୍ୟ ରୁହନ୍ତି । ବର୍ତ୍ତମାନ ପୁଣି ସେ ନିଜ ସୋସିଆଲ ମିଡିଆ ପୋଷ୍ଟ ପାଇଁ ଚର୍ଚ୍ଚାରେ।
ସେ ନିଜ ଟ୍ବିଟରେ ଲେଖିଛନ୍ତି, ‘ଭରସା ସମସ୍ତଙ୍କ ଉପରେ କରନ୍ତୁ କିନ୍ତୁ ସାବଧାନ ସହ, କେବେ କେବେ ନିଜ ଦାନ୍ତ ମଧ୍ୟ ଜିଭକୁ କାମୁଡି ଦିଏ।’ ବର୍ତ୍ତମାନ ତାଙ୍କ ଏହି ଟ୍ବିଟରେ ୟୁଜର୍ସଙ୍କ କମେଣ୍ଟ ଖୁବ୍ ଦେଖିବାକୁ ମିଳୁଛି । ଖାଲି ଏତିକି ନୁହେଁ ୟୁଜର୍ସ ପ୍ରଶ୍ନ କରିବାରେ ଲାଗିଛନ୍ତି ଯେ ତାଙ୍କ ନଜରରେ ଦାନ୍ତ କିଏ ଆଉ ଜିଭ କିଏ ?
ପ୍ରକାଶ ଥାଉକି ନିକଟରେ ଅନୁପମ ଏମିତି କୃଷକର ଭିଡିଓ ସେୟାର କରିଥିଲେ । ଯିଏ ଜଷ୍ଟିନ ବିବରଙ୍କ ପପୁଲାର ଗୀତ ‘ବେବି’ ଗାଉଥିବାର ନଜର ଆସିଥିଲେ । ଯାହା ଦର୍ଶକଙ୍କୁ ଖୁବ୍ ପସନ୍ଦ ଆସିବା ସହ ଭାଇରାଲ ମଧ୍ୟ ହୋଇଥିଲା ।
