ମୁମ୍ବାଇ: ଛୋଟ ପରଦାର ଲୋକପ୍ରିୟ ଅଭିନେତା ଅନୁପ ସୋନି । ସେ ପପୁଲାର ଶୋ' କ୍ରାଇମ ପେଟ୍ରୋଲ'ର ଲୋକପ୍ରିୟ ଚେହେରା ଥିଲେ । ତେବେ କିଛିଦିନ ହେବ ସେ ଏହି କାର୍ଯ୍ୟକ୍ରମରୁ ଦୂରେଇ ଯାଇଥିଲେ । ମାତ୍ର ଅନୁପ ପୁଣି ଏହି କ୍ରାଇମ ଶୋ'ରେ ନଜର ଆସିବାକୁ ଯାଉଛନ୍ତି ।
ଏଥର ସେ ଶୋ' ରେ ନୂଆ ଅବତାରରେ ଦେଖାଯିବେ । ଛୋଟ ପରଦାରେ ପ୍ରସାରିତ ହେଉଥିବା ଏହି ଶୋ' ରେ ବାସ୍ତିବ ଜୀବନରେ ଘଟୁଥିବା ଅପରାଧର ନାଟ୍ୟ ରୂପାନ୍ତର ଦେଖିବାକୁ ମିଳିଥାଏ । ଏଥର ଅନୁପ ନିଜର ଲୁକରେ ଆଣିଛନ୍ତି ସାମାନ୍ୟ ପରିବର୍ତ୍ତନ। ସେ ପୂର୍ବ ପରି ଏଥର ମଧ୍ୟ ସବୁ ଗଳି ଓ ସବୁ ରାସ୍ତାରେ କ୍ରାଇକର କାହାଣୀ ଲୋକଙ୍କୁ ଶୁଣାଇବେ ।
ପ୍ରକାଶ ଥାଉକି, ନିକଟରେ ସେ ଶୋର ପ୍ରୋମୋ ସୁଟ କରିଥିଲେ । ଯାହା ଖୁବ୍ଶୀଘ୍ର ଏକ ଲୋକପ୍ରିୟ ଚ୍ୟାନେଲରେ ପ୍ରସାରିତ ହେବ । ଏହି ଅବସରରେ ଅନୁପ କହିଥିଲେ, ଶୋ' ରେ ଦୀର୍ଘ 7 ବର୍ଷ ପର୍ଯ୍ୟନ୍ତ ସମ୍ପୃକ୍ତ ଥିଲେ । ତେଣୁ ସେ ନିଷ୍ପତ୍ତି ନେଇଥିଲେ କି ଶୋ'ରୁ ବ୍ରେକ ନେଇ ନିଜର ଅ୍ୟନ୍ୟ ପ୍ରୋଜେକ୍ଟ ପ୍ରତି ଧ୍ୟାନ ଦେବେ ।
ତାଙ୍କ ଆଗାମୀ ପ୍ରୋଜେକ୍ଟରେ ନେଟଫ୍ଲିକ୍ସର ସିରିଜ ସାମିଲ ଅଛି । ସେ ଖୁବଶୀଘ୍ର ଫିଲ୍ମ 'ପ୍ରସ୍ଥାନମ' ଓ 'ବାହୁବଳୀ' ନିର୍ମାତାଙ୍କ ୱେବ ସିରିଜ ଦେଖାଯିବେ ।
