ମୁମ୍ବାଇ: ଭଜନ ସମ୍ରାଟ ଅନୁପ ଜଲୋଟା ଛୋଟ ପରଦାର ରିୟାଲିଟି ଶୋ ‘ବିଗ ବସ ସିଜନ 12’ରେ ଭାଗ ନେଇ ଚର୍ଚ୍ଚାରେ ଆସିଥିଲେ । ଏହାସହ ନିଜ ସଙ୍ଗୀତ ଛାତ୍ରୀ ଜସଲୀନ ମାଥୁରଙ୍କ ସହ ତାଙ୍କ ସମ୍ପର ମଧ୍ୟ ଚର୍ଚ୍ଚାର ବିଷୟ ପାଲଟିଥିଲା । ଇତିମଧ୍ୟରେ ସେ ପୁଣିଥରେ ସୋସିଆଲ ମିଡିଆରେ ୟୁଜର୍ସଙ୍କ ଟାର୍ଗେଟରେ ଆସିଛନ୍ତି ।
କଥାଟି ହେଲା କି ଅନୁପ ଅଗଷ୍ଟ 1ରେ ମୀନା କୁମାରୀଙ୍କ ବର୍ଥଡେ ଆନିଭର୍ସିରୀରେ ଟ୍ବିଟ କରି ଫସି ଯାଇଛନ୍ତି। ତାଙ୍କୁ ଜନ୍ମଦିନରେ ଶ୍ରଦ୍ଧାଞ୍ଜଳି ଦେଇ ଅନୁପ ଲେଖିଥିଲେ, ‘‘ଫିମେଲ ଗୁରୁ ଦତ୍ତଙ୍କୁ ସ୍ମରଣ କରୁଛି, ମୀନା କୁମାରୀ ଇଣ୍ଡଷ୍ଟ୍ରିରେ ଶାନଦାର ଯୋଗଗାନ ଦେଇଥିଲେ । ’’ ତାଙ୍କର ଏହି ଟ୍ବିଟ ଭାଇରାଲ ହେବା ମାତ୍ରେ ୟୁଜର୍ସ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଥିଲେ।
ଅନେକ ୟୁଜର୍ସ ତାଙ୍କୁ କମେଣ୍ଟ କରି ଲେଖିଛନ୍ତି ଯେ ମୀନା କୁମାର ଜଣେ ବଡ ଅଭିନେତ୍ରୀ ଏବଂ ତାଙ୍କ ତୁଳନା ଗୁଗୁ ଦତ୍ତ ସାହେବଙ୍କ ସହ କରିବା ଠିକ କଥା ନୁହେଁ। ସେହିପରି ଆଉ ଜଣେ ୟୁଜର ଲେଖିଛନ୍ତି, ‘‘ମାନା କୁମାରୀ ଗୁରୁ ଦତ୍ତ କାହିଁକି ? ତାଙ୍କୁ ତାଙ୍କ ଉପଲବ୍ଧି ପାଇଁ ସ୍ମରଣ କରାଯାଉଛି । ଆଉ ତାଙ୍କ ସ୍ମରଣ କରିବାକୁ ଜଣେ ପୁରୁଷଙ୍କ ସହ ତୁଳନା କରିବା ଠିକ କଥା ନୁହେଁ । ’’
