ନୂଆଦିଲ୍ଲୀ: ବଲିଉଡର ଅଲଟାଇମ ହ୍ୟାଣ୍ଡସମ ତଥା ତାରକା ଅନୀଲ କପୁର ନିଜ ଦମଦାର ଅଭିନୟରେ ସମସ୍ତଙ୍କ ହୃଦୟରେ ରାଜ କରନ୍ତି । ଏଥିସହ ସେ ନିଜ ଫିଟନେସ ପାଇଁ ସର୍ବଦା ଚର୍ଚ୍ଚାରେ ରୁହନ୍ତି । ଆଜି ବି ସେ ନିଜ ଫିଟନେସକୁ ନେଇ ସମସ୍ତ ଯୁବପିଢ଼ିଙ୍କ ପ୍ରେରଣା ପାଲଟିଛନ୍ତି ବଲିଉଡର ମିଷ୍ଟର ଇଣ୍ଡିଆ ।
ନିକଟରେ, ଅନୀଲ କପୁର ତାଙ୍କ ଟ୍ବିଟରରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଚଣ୍ଡିଗଡର ସଡକରେ ନିଜ ଫିଟନେସ ପାଇଁ ସକାଳୁ ଦ୍ରୁତ ଗତିରେ ସାଇକେଲ ଚଲାଉଥିବା ଦେଖିବାକୁ ମିଳିଛି ।
ଅନୀଲ ଏହି ଭିଡିଓକୁ ସେୟାର କରି ଲେଖିଛନ୍ତି, କାର୍ଡିଓ ଏବଂ ଫିଟନେସ ପାଇଁ ଏହା ମୋର ପସନ୍ଦ । ଯାହାପରେ ଅନୀଲଙ୍କ ଏହି ଭିଡିଓକୁ ଦେଖିବା ପରେ କ୍ରୀଡାମନ୍ତ୍ରୀ କିରନ ରିଜିଜୁ ତାଙ୍କୁ ପ୍ରଶଂସା କରି ଲେଖିଛନ୍ତି, କ୍ୟା ବାତ ହେଁ ଅନିଲ ଜୀ...ଆପଣ ଯୁବପିଢ଼ିଙ୍କ ପ୍ରେରଣା । ମତେ ଆପଣଙ୍କ ସାଇକେଲର ବଡ ଟାୟାର ବହୁତ ପସନ୍ଦ ଆସୁଛି ।
ଏଥିସହ କିରଣ ନିଜ ଟ୍ବିଟରରେ ଏହାକୁ ରିଟ୍ବିଟ କରିଛନ୍ତି ।
ନିକଟରେ ଅନୀଲ କୋରୋନାରେ ଆକ୍ରାନ୍ତ ହୋଇଥିବା ନେଇ ଖବର ସାମ୍ନାକୁ ଆସିଥିଲା । କିନ୍ତୁ ପରେ ସେ ଏହି ଖବରକୁ ଅନୀଲ ଖଣ୍ଡନ କରିଥିଲେ । ସେ ପୁରାପୁରି ସୁସ୍ଥ ଅଛନ୍ତି ଏବଂ ତାଙ୍କ ରିପୋର୍ଟ ନେଗେଟିଭ ଥିବା ସେ ସୂଚନା ଦେଇଥିଲେ ।
ପ୍ରକାଶ ଥାଉ ଯେ, ଆଗାମୀ ସମୟରେ ଅନୀଲଙ୍କୁ ଜୁଗ୍ ଜୁଗ୍ ଜିୟୋ, ତଖ୍ତ ଭଳି ଫିଲ୍ମରେ ନଜର ଆସିବେ ।
