ମୁମ୍ବାଇ: ବି-ଟାଉନର ମିଷ୍ଟର ଝକାସ ଅନିଲ କପୁର ଓ ଚାନ୍ଦନୀ ଶ୍ରୀଦେବୀଙ୍କ ସୁପରହିଟ୍ ଫିଲ୍ମ 'ମିଷ୍ଟର ଇଣ୍ଡିଆ'କୁ 32 ବର୍ଷ ପୂରଣ ହୋଇଛି । ଏହି ଅବସରରେ ନିର୍ଦ୍ଦେଶକ ଶେଖର କପୁର ବୁଧବାର କହିଛନ୍ତି କି ଏହି ଫିଲ୍ମ କେବେ ପୁରୁଣା ହୋଇପାରିବ ନାହିଁ । ଅନ୍ୟପଟେ ଅନିଲ ଏହି ଫିଲ୍ମଟି ସ୍ବର୍ଗୀୟ ଭୀରୁ ଦେବଗନଙ୍କୁ ସମର୍ପିତ କରିଛନ୍ତି । ଜଣାଉ ଦେଉଛୁ ଯେ ମେ 27ରେ ଅଜୟ ଦେବଗନଙ୍କ ପିତା ଭୀରୁଙ୍କ ନିଧନ ହୋଇଥିଲା ।
ଅନିଲ ନିଜ ଟ୍ବିଟରରେ ଏକ ଟ୍ବିଟ କରି ଲେଖିଥିଲେ, "ମିଷ୍ଟର ଇଣ୍ଡିଆ ଛୁଆଙ୍କ ପାଇଁ ତିଆରି ହୋଇଥିବା ଫ୍ରେଣ୍ଡଲୀ ଆକ୍ସନ ସିନ ଏବଂ ଭୀରଙ୍କ ମିଡାସ ଟଚ ଦ୍ବାରା ପ୍ରତିଷ୍ଠିତ ଫିଲ୍ମ । ଏହି ଫିଲ୍ମକୁ 32 ବର୍ଷ ପୂରଣ ଅବସରକୁ ସେହି ବ୍ୟକ୍ତିଙ୍କୁ ସମର୍ପିତ କରିବାକୁ ଚାହୁଁଛି, ଯିଏ ଏହି ଅବିସ୍ମରଣୀୟ ସମୟକୁ ସମ୍ଭବ କରିଥିଲେ ।"
"ସେ ଜଣେ ଶାନଦାର ବ୍ୟକ୍ତି ଥିଲେ ଏବଂ ମୁଁ ଭାଗ୍ୟଶାଳୀ ଥିଲି କି ତାଙ୍କ ସହ କାମ କରିବାର ସୁଯୋଗ ପାଇଥିଲି । ତାଙ୍କ ଅଭାବ ସବୁବେଳେ ଆମ ଗହଣରେ ରହିବ" ବୋଲି ଲେଖିଛନ୍ତି ଅନିଲ ।
ପ୍ରକାଶ ଥାଉକି 'ମିଷ୍ଟର ଇଣ୍ଡିଆ'ର ସିକ୍ବେଲ ଫିଲ୍ମ ତିଆରି କରିବାର ଇଚ୍ଛା ନିକଟରେ ଫିଲ୍ମମେକର ବୋନି କପୁର ପ୍ରକାଶ କରିଥିଲେ ।
