ମୁମ୍ବାଇ: ମହାନାୟକ ଅମିତାଭ ବଚ୍ଚନ ସୋସିଆଲ ମିଡିଆରେ ସବୁବେଳେ ସକ୍ରିୟ ରୁହନ୍ତି । ଦେଶରେ ବର୍ତ୍ତମାନ ଚାଲିଥିବା ସଂଶୋଧିତ ନାଗରିକତା ଆଇନ( ସିଏଏ) ବିରୋଧ ପ୍ରଦର୍ଶନରେ କିଛି ପ୍ରତିକ୍ରିୟା ରଖିନଥିବାରୁ ତାଙ୍କୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଥିଲା । ଏବେ କିନ୍ତୁ ଅମିତାଭଙ୍କ ଏକ ନୂଆ ଟ୍ବିଟ ଦେଖିବାକୁ ମିଳୁଛି । ଯାହାକୁ ନେଇ ବର୍ତ୍ତମାନ ଚର୍ଚ୍ଚା ଖୁବ୍ ଚାଲିଛି ।
ସେ ଟ୍ବିଟ କରି ଲେଖିଛନ୍ତି, ‘ ଏଠାରେ ଦୁଇଟି ଗଧିଆ ଅଛନ୍ତି । ଯିଏ ସବୁବେଳେ ପରସ୍ପର ସହ ଲଢନ୍ତି । ଜଣେ ହେଲା ସବୁବେଳେ ଅନ୍ଧାକାରରେ ରହିବା ସହ ନିରାଶ ଥାଏ। ଆଉ ଜଣେ ଆଲୋକ ଏବଂ ଆଶାବାଦୀ । ଏହି ଦୁଇ ଗଧିଆ ମଧ୍ୟରୁ କିଏ ଜିତିବ ? ଯାହାକୁ ଆମେ ଖୁଆଉଛେ ।’
ଅମିତାଭ ଏହି ଟ୍ବିଟକୁ ସୋସିଆଲ ମିଡିଆରେ ୟୁଜର୍ସ ସିଏଏ ବିରୋଧ ପ୍ରଦର୍ଶନ ସହ ସମ୍ପୃକ୍ତ କରିବାରେ ଲାଗିଛନ୍ତି । ଜଣେ ୟୁଜର ଲେଖିଛନ୍ତି, ‘କିଛି ନକହି ବହୁତ କିଛି କହିଦେଇଛନ୍ତି ଅମିତାଭ ସାର୍ ।’ ଅନ୍ୟପଟେ ଆଉ ଜଣେ ୟୁଜର ଲେଖିଛନ୍ତି, ‘ଆଲୋକ ଏବଂ ଆଶାବାଦୀ ହିଁ ଜିତିବ । ଭାରତ ଜିତିବ, ରାଷ୍ଟ୍ରବାଦୀର ବିଜୟ ହେବ, ଭାରତର ବିଜୟ ହେବ ।’
