ମୁମ୍ବାଇ: ନିକଟରେ ମହାନାୟକ ଅମିତାଭ ବଚ୍ଚନଙ୍କୁ ହିନ୍ଦୀ ସିନେମାରେ ଅବିସ୍ମରଣୀୟ ଯୋଗଦାନ ପାଇଁ ତାଙ୍କୁ ଦାଦା ସାହେବ ଫାଲକେ ସମ୍ମାନରେ ସମ୍ମାନିତ କରାଯାଇଥିଲା । ଅଭିନୟ ବ୍ୟତୀତ ସେ ସବୁବେଳେ ସୋସିଆଲ ମିଡିଆରେ ମଧ୍ୟ ଖୁବ୍ ଆକ୍ଟିଭ ରୁହନ୍ତି । ଆଉ ପ୍ରାୟ ସବୁ ପ୍ରସଙ୍ଗରେ ନିଜ ପ୍ରତିକ୍ରିୟା ଦେଉଥିବାର ନଜର ଆସନ୍ତି । ସେହିପରି କେବେ କେବେ ସେ ସୋସିଆଲ ମିଡିଆରେ ଏମିତି କମେଡି କରନ୍ତି । ଯାହାକୁ ନେଇ ଖୁବ୍ ହସନ୍ତି ତାଙ୍କ ପ୍ରଶଂସକ । କେବେ ସେ ନିଜ ସୁଟିଂ ସେଟରୁ ଫଟୋ ସେୟାର କରନ୍ତି ତ ଆଉ କେତେବେଳେ କବିତା ଲେଖି ପ୍ରଶଂସକଙ୍କ ସହ ଯୋଡି ହୋଇ ରୁହନ୍ତି ।
ଏବେ ସେ ମସ୍ତିମଜାକ ମୁଡରେ ନଜର ଆସୁଛନ୍ତି । ଏକଥା ଆମେ କହୁନାହୁଁ ଏହା ତାଙ୍କ ଏକ ଟ୍ବିଟରରୁ ଜଣାପଡିଛି । ନିକଟରେ ସେଲ୍ଫିର ହିନ୍ଦୀ ଅନୁବାଦ କରିବା ପରେ ବର୍ତ୍ତମାନ ସେ ଟ୍ବିଟ କରୁଥିବା ଲୋକଙ୍କ ନୂଆ ନାମକରଣ କରିଛନ୍ତି ।
ସେ ଏକ ଟ୍ବିଟ କରି ଲେଖିଛନ୍ତି, ଯିଏ ଲେଖେ ସେ ଲେଖକ, ଯିଏ ଟ୍ବିଟ ଲେଖେ ସେ ଟ୍ବିଖକ । ତାଙ୍କ ଏହି ଟ୍ବିଟ ପଢି ପ୍ରଶଂସକ ହସି ହସି ବେହାଲ । ତାଙ୍କର ଏହି ମିଜାଜ ମଧ୍ୟ ପ୍ରଶଂସକଙ୍କ ମିଜାଜକୁ କୁଲ୍ କରିଦେଉଛି । ଆପଣ ମଧ୍ୟ ଦେଖନ୍ତୁ ତାଙ୍କର ଏହି ମଜାଦାର ଟ୍ବିଟ...
ପ୍ରକାଶ ଥାଉକି ଏବର୍ଷ ଅମିତାଭଙ୍କ ଅନେକ ଫିଲ୍ମ ରିଲିଜ ହେବାକୁ ଯାଉଛି । ତାଙ୍କ ଫିଲ୍ମ ଗୁଲାବୋ ସିତାବୋ, ଚେହେରେ ଭଳି ଫିଲ୍ମ ଦେଖିବାକୁ ଯାଉଛନ୍ତି ଦର୍ଶକ । ଗୁଲାବୋ ସିତାବୋରେ ସେ ବି-ଟାଉନର ବିକ୍କୀ ଡୋନର ଆୟୁଷ୍ମାନ ଖୁରାନାଙ୍କ ସହ ଅଭିନୟ କରୁଥିବା ବେଳେ ଚେହେରେରେ ସେ ସିରିୟଲ କିସର ଇମରାନ ହାସମୀଙ୍କ ସହ ନଜର ଆସିବେ ।
